ავტომობილების ელექტროფიკაციის ტენდენცია პოზიტიურია და პროგრესი მუდმივად შეინიშნება. 

გიზიარებთ იმ ტექნოლოგიებს, რომლებიც დღეს, ხვალ და შორეულ მომავალში ამ სფეროში გაჩნდება.

რა მდგომარეობაა ახლა

ლითიუმ-რკინა-ფოსფატის (LFP) ბატარეები ბოლო წლებში მნიშვნელოვნად გაიზარდა მსოფლიო ბაზარზე, მათი წილი 2020 წელს 6%-დან 2022 წელს 30%-მდე გაიზარდა. მიუხედავად იმისა, რომ LFP ბატარეებს ენერგიის სიმკვრივე 30-60%-ით ნაკლები აქვთ, ვიდრე პოპულარულ ნიკელ-მანგანუმ-კობალტის (NMC) ბატარეებს, ისინი უფრო უსაფრთხო და მდგრადი მასალებით მზადდება, რაც მათ ნაკლებად ხარჯიანს, უსაფრთხოს და ეკოლოგიურად უფრო სასარგებლოს ხდის.

მომავალში წარმატებული ტექნოლოგია შეიძლება გახდეს Gemini ბატარეა, რომელიც აერთიანებს მაღალი სიმკვრივის ნიკელ-მანგანუმის და LFP უჯრედებს.

რას უნდა ველოდოთ ახლო მომავალში

ბატარეების ახალი ტექნოლოგიების განვითარებას წლები სჭირდება, მაგრამ ზოგიერთი მათგანი შესაძლოა მომდევნო ათწლეულში გამოჩნდეს. ერთ-ერთი გამორჩეულია ლითიუმ-გოგირდის ბატარეა, რომელიც არსებულ ბატარეებთან შედარებით ბევრად მაღალ ენერგიას ინახავს. ლითიუმ-გოგირდის პილოტური წარმოების ნიმუშები უკვე ეგზავნებათ ავტომწარმოებლებს დასატესტად.

ნატრიუმ-იონის ბატარეები LFP-ზე იაფია, მაგრამ მათი ენერგიის სიმკვრივე დაბალია და გამოიყენება მხოლოდ მსუბუქ მანქანებში, 12 ვოლტიანი ბატარეებისა და დუალურ იონურ სისტემებში. 

Toyota მუშაობს ბიპოლარულ LFP ბატარეაზე, რომელიც 20%-ით გაზრდის სვლის დიაპაზონს და 40%-ით შეამცირებს ფასს, შედარებით bZ4X-ის EV ბატარეასთან. ასევე საინტერესოა დუალურ იონური ბატარეები (DIB), სადაც როგორც დადებითი, ასევე უარყოფითი იონები მონაწილეობენ ენერგიის შენახვაში. ეს ბატარეები გვთავაზობენ სწრაფი დატენვის შესაძლებლობას, მაღალ ძაბვას და ენერგიის უკეთეს სიმკვრივეს.

რას უნდა ველოდოთ გრძელვადიან პერსპექტივაში

ყველა ეს ინოვაცია ხელს შეუწყობს ბატარეების ენერგიის სიმკვრივის, დატენვის დროების, უსაფრთხოების და ღირებულების გაუმჯობესებას. ასევე მოსალოდნელია, რომ მეცნიერები შეძლებენ კომერციული ბირთვული სინთეზის განვითარებას, რაც ერთხელ და სამუდამოდ გადაჭრის მდგრადი ელექტროენერგიის გამოწვევებს.