2025 წელს Audi და SAIC ერთობლივად შექმნილ პირველ ელექტრომობილს წარადგენენ ჩინეთის ბაზარზე. ახალ ბატარეაზე მომუშავე ელექტრომობილი (BEV) ოფიციალურად 2024 წლის ნოემბერში წარსდგება.

SAIC, ჩინეთის ყველაზე დიდი სახელმწიფო ავტომწარმოებელია, რომელიც ცნობილია როგორც ყოფილი ბრიტანული ბრენდის MG მფლობელი. თუმცა, SAIC-ის მთავარი შემოსავლის წყარო უცხოურ ავტომწარმოებლებთან თანამშრომლობაა. ამჟამად, SAIC თანამშრომლობს Volkswagen-თან და GM-თან, ასევე მართავს თავის ელექტრომობილის ბრენდებს, როგორიცაა Rising Auto და IM Motors.

Audi-სა და SAIC-ის ელექტრომობილის შესახებ

Audi-სა და SAIC-ის თანამშრომლობის შესახებ პირველადი ინფორმაცია 2023 წელს გავრცელდა. თავდაპირველად გავრცელდა ინფორმაცია, რომ ახალი ელექტრომობილი დაფუძნებული იქნებოდა iO Origin პლატფორმაზე, რომელიც შეიმუშავა IM Motors-მა, SAIC-ისა და Alibaba-ს ერთობლივმა ბრენდმა. თუმცა, 2024 წლის მაისში Audi-მ ოფიციალურად დაადასტურა, რომ მისი ახალი ელექტრომობილები შეიქმნება Advanced Digitized Platform (ADP) პლატფორმაზე. ეს მნიშვნელოვანი გაუმჯობესებაა Audi-ს PPE პლატფორმასთან შედარებით.

Deutsche Welle China-ს ცნობით, Audi-სა და SAIC-ის პირველი ელექტრომობილი იქნება საშუალო ზომის EV. აღსანიშნავია, რომ ახალ BEV-ზე არ იქნება Audi-ს ტრადიციული ოთხი რგოლის ლოგო, რაც გამოარჩევს ჩინეთში წარმოებულ მოდელებს გერმანიაში წარმოებულებისგან.