Electrify Azerbaijan-მა და ჩინეთის BYD Company Limited-მა ხელი მოაწერეს შეთანხმებას აზერბაიჯანში სამგზავრო ავტობუსების პარკის მოდერნიზაციის შესახებ. შეთანხმება მოიცავს ელექტრო ავტობუსების შეძენას, მათი სერვისის უზრუნველყოფას და ელექტრო ავტობუსების ადგილობრივი წარმოების დაწყებას აზერბაიჯანში. 

BYD-ი გეგმავს $60 მილიონის ინვესტიციას აზერბაიჯანში, რათა 2026 წლისთვის შექმნას საწარმოო ობიექტები მსუბუქი ელექტრო სატვირთოებისთვის, მუნიციპალური მომსახურებისთვის განკუთვნილი ელექტრომობილებისთვის და ელექტრო სამგზავრო მანქანებისთვის. ასევე, 2028 წელს დაიწყება ბატარეების წარმოება. კომპანიას 2025 წლისთვის ასევე დაგეგმილი აქვს სათადარიგო ნაწილების ადგილობრივი წარმოების დაწყება, ხოლო 2030 წლისთვის ავტობუსების წარმოების ხარჯების 40%-ის ლოკალიზაციაა დაგეგმილი.

BakuBus-ი 160 ელექტრო ავტობუსს და 100 დამტენ სადგურს შეიძენს BYD-ისგან, რომლებიც 2024 წლის ოქტომბრისთვის ბაქოში სრულად ამოქმედდება.

2016-2023 წლებში ბაქოს სამგზავრო ავტობუსების პარკის 61%-ზე მეტი განახლდა, ხოლო მათი 76% თხევადი ბუნებრივი აირით (LNG) მუშაობს. 2028 წლისთვის პარკის სრული ელექტრიფიკაციაა დაგეგმილი.

Solar Auto ქართულ ბაზარზე 2022 წლიდან ოპერირებს და წარმოადგენს ჩინური გიგანტი ბრენდის – BYD-ის (Build Your Dreams) პირველ ავტორიზებულ იმპორტიორს საქართველოში.

კომპანია ქართველ მომხმარებლებს სთავაზობს BYD-ის ახალი ავტომობილების სრულ ასორტიმენტს, ორიგინალ ნაწილებს და საგარანტიო სერვისს.

სრული სამოდელო რიგის გასაცნობად ეწვიეთ ვებგვერდს: www.solarauto.ge