5 აპრილს საქართველოში პირველად გაიმართება ელექტრომობილების გამოფენა – EV Exposition, რომელიც მიზნად ისახავს ეკომეგობრული ტრანსპორტის პოპულარიზაციას, მწვანე გადაადგილების ხელშეწყობას და ამ დარგში მოქმედი კომპანიების დამაკავშირებელ პლატფორმად ჩამოყალიბებას.

გამოფენაში მონაწილეობას მიიღებს კომპანია „ტრანსპორტერი“, რომელიც უკვე ათწლეულია ამიერკავკასიაში რეკრეაციული და მოტო ტექნიკის უმსხვილესი ცენტრით არის წარმოდგენილი. გამოფენის წინ ვესაუბრეთ კომპანიის დამფუძნებელს და დირექტორს სერგი შუღაროვს, რომელმაც დეტალურად გვიამბო „ტრანსპორტერის“ საქმიანობისა და გამოფენაზე წარსადგენი პროდუქციის შესახებ.

რას საქმიანობს და რაზეა ფოკუსირებული ტრანსპორტერი?

• „ტრანსპორტერი“ არის ამიერკავკასიაში რეკრეაციული და მოტო ტექნიკის ყველაზე დიდი ცენტრი, რომელიც უკვე 10 წელია საქართველოში წარმოადგენს მაღალი ხარისხის საერთაშორისო პრემიუმ ბრენდებს. ჩვენი მისიაა ხელი შევუწყოთ ეკოლოგიურად სუფთა და ინოვაციური ტრანსპორტის მოხმარების განვითარებას რეგიონში. ჩვენ ტექნიკის მიწოდებასთან და სერვისთან ერთად ვქმნით ახალ ეკოსისტემას, რაც გულისხმობს:

1. უმაღლესი ხარისხის ტექნიკასა და რეკრეაციული პროდუქტების მიწოდებას;

2. პროფესიონალური სერვისის გაწევას;

3. მომხმარებელზე ინდივიდუალურად მორგებულ შეთავაზებასა და  გადაწყვეტას.

“ტრანსპორტერის” საქმიანობა მოიცავს წამყვანი საერთაშორისო ბრენდების ექსკლუზიურ წარმომადგენლობას, თანამედროვე ელექტრომობილების იმპორტსა და სრულფასოვან სერვისს.

რომელი უცხოური კომპანიები არიან თქვენი პარტნიორები?

• „ტრანსპორტერი“ თანამშრომლობს მსოფლიოში აღიარებულ ბრენდებთან და 100-ზე მეტი საერთაშორისო კომპანიის ოფიციალური წარმომადგენელია, რომლებიც ეფუძნება მოწინავე ტექნოლოგიებსა და ინოვაციურ მიდგომებს.

ჩვენი პარტნიორები არიან ისეთი ბრენდები, როგორიცაა: KAWASAKI, KYMCO, SHERCO, JAWA, BRP, CFMOTO, PISTENBULLY, MND, HUSQVARNA, GARDENA, LVTONG, EZGO და PILOT CAR.

მათ პროდუქციას გამოარჩევს უმაღლესი ხარისხის გარანტია, საერთაშორისო სტანდართან შესაბამისობა, ეკოლოგიურად უსაფრთხო წარმოება; მსოფლიო ბაზარზე პრესტიჟულობა და მომხმარებლის უსაფრთხოება.

ეს ბრენდები ტექნოლოგიური პროგრესის სიმბოლოებთან ერთად ეკომეგობრული სატრანსპორტო ეკოსისტემის ჩამოყალიბების მნიშვნელოვან ელემენტებსაც წარმოადგენენ.

რითია გამორჩეული თქვენი კომპანიის მიერ წარმოდგენილი პროდუქცია ბაზარზე?

• ჩვენ პარტნიორები არიან პრემიუმ ხარისხის ელექტრომობილების მწარმოებელი ბრენდები LVTONG, PILOT CAR, EZGO - რომელთა ოფიციალური დისტრიბუტორებიც ვართ მრავალი წელია. ჩვენს შოურუმში წარმოდგენილი პროდუქცია გამოირჩევა დახვეწილი დიზაინით, პროდუქტის მრავალფეროვნებით, ხარისხითა და რაც მთავარია, მისაღები ფასით. სწორედ ამიტომ, საქართველოში არსებული თითქმის ყველა სასტუმრო, ბოტანიკური ბაღი და ტურისტული სექტორის ობიექტიები აქტიურად იყენებენ ჩვენს ტექნიკას.

როგორც აღვნიშნე ჩვენი პორტფოლიო მოიცავს შემდეგ წამყვან ბრენდებს: LVTONG, PILOT CAR, EZGO, რომელთა პროდუქციაც გამოირჩევა მაღალი ხარისხით, ინოვაციური ტექნოლოგიებითა და გამძლეობით, დახვეწილი დიზაინითა და კომფორტით, ეფექტურობითა და მისაღები ფასით, რასაც ჩვენი ერთგული მომხმარებლები მუდმივად გვიდასტურებენ და მადლობა მათ ნდობისთვის. 

ჩვენი შეთავაზებები იდეალურად ერგება ყველა ტიპის ტურისტულ, კომერციულ თუ რეკრეაციულ სივრცეებს. 

რა პროდუქციას წარადგენთ 5 აპრილის EV Exposition-ზე?

• გამოფენაზე წარმოდგენილი გვექნება შემდეგი ეკომეგობრული სატრანსპორტო საშუალებები:

LVTONG-ის ელექტრო ავტობუსი – 14 ადამიანზე გათვლილი ენერგოეფექტური და ეკოლოგიური ტრანსპორტი ტურისტული მარშრუტებისთვის. გამოირჩევა უხმო ოპერირებით, დაბალი დანახარჯებითა და დადებითად ზემოქმედებს გარემოზე.

EZGO-ს ელექტრო გოლფის მანქანა – მაღალი გამავლობის მოდელი რთული რელიეფისთვის აერთიანებს კომფორტულ მგზავრობასა და ფუნქციურობას, რაც მას პოპულარულს ხდის როგორც კერძო, ისე კომერციული სეგმენტისთვის.

CF MOTO-ს ელექტრო კვადროციკლი – გამძლე და ეკომეგობრული ტრანსპორტია აქტიური დასვენებისთვის და კომერციული მიზნებისთვის. გამოირჩევა ძლიერი კონსტრუქციითა და ენერგოეფექტურობით, რაც მას თანამედროვე ბაზრის ერთ-ერთ ლიდერად აქცევს.

თქვენთვის, როგორც კომპანიისთვის, რა მნიშვნელობა აქვს EV Exposition-ში მონაწილეობას?

• EV Exposition – როგორც პირველი მასშტაბური გამოფენა საქართველოში და აქვე გამოვხატავ ჩემ პატივისცემას ორგანიზატორების მიმართ, არის უნიკალური შესაძლებლობა:

1. წარვადგინოთ უახლესი ეკოლოგიური სატრანსპორტო ტექნიკა;

2. გავზარდოთ ცნობადობა მწვანე ენერგიის მნიშვნელობაზე;

3. გავაძლიეროთ საზოგადოებრივი ცნობიერება ეკომეგობრული გადაადგილების აუცილებლობაზე.

“ტრანსპორტერისთვის” ეს გამოფენა არის საშუალება, კიდევ ერთხელ დაადასტუროს თავისი ლიდერობა ამიერკავკასიაში ეკომეგობრული ტრანსპორტის მიმართულებით.

ჩვენთვის მნიშვნელოვანია არა მხოლოდ ხარისხიანი პროდუქციის მიწოდება, არამედ ეკოსისტემის შექმნა, რომელიც საქართველოს დაეხმარება, გახდეს თანამედროვე, ტექნოლოგიურად განვითარებული და ეკოლოგიურად პასუხისმგებელი ქვეყანა.

ტრანსპორტერი აგრძელებს ინოვაციური და მაღალი ხარისხის გადაწყვეტილებების დანერგვას, რათა უზრუნველყოს უფრო სუფთა, მდგრადი და ეფექტური სატრანსპორტო მომავალი.

R