EV Exposition-ის მოლოდინში, სადაც ელექტროძრავიანი გადაადგილების სფეროს წამყვანი კომპანიები პირველად მოიყრიან თავს, ვესაუბრეთ Myscooter-ის დირექტორ ვლადიმერ გეგენავას. მან გაგვიზიარა კომპანიის სამომავლო გეგმები, პროდუქციის უპირატესობები და ის გამოწვევები, რაც ახლადჩამოყალიბებულ ბაზარზე მოღვაწეობას ახლავს თან:

• ჩვენი კომპანია, Vizet Group LLC, არის ელექტრო სკუტერების ოფიციალური წარმომადგენელი საქართველოში. ვთანამშრომლობთ ჩინეთის წამყვან ბრენდთან – VLJU, რომელიც პრემიუმ ხარისხის ელექტრო სკუტერებსა და სქროლებს აწარმოებს. რაც VLJU-ს პროდუქტს განსაკუთრებულს ხდის, არის მაღალი ხარისხის შესრულება და მუდმივად განახლებული, ინოვაციური დიზაინი. საინტერესო ფაქტია, რომ თავად ქარხანა დამოუკიდებლად აწარმოებს ელექტროძრავებს, რაც პროდუქტს დამატებით სანდოობას მატებს. ძრავებზე ვრცელდება 2-წლიანი გარანტია, ზოგ შემთხვევაში კი კიდევ უფრო გრძელვადიანი.

რა ტექნოლოგიით მუშაობს თქვენი ტექნიკა?

• ჩვენი სკუტერები და სქროლები აღჭურვილია ლითიუმის ელემენტებით, რაც მათ განსაკუთრებულ სიმძლავრეს ანიჭებს კონკურენტებთან შედარებით.

ელემენტების მოცულობის მიხედვით, სკუტერს შეუძლია დაფაროს 80-დან 140 კმ-მდე მანძილი. მაგალითად, 32-72 ამპერსაათიანი ელემენტები დაფარავენ დაახლოებით 80-90 კმ-ს, ხოლო 72-60 ამპერსაათიანით – უკვე 120-140 კმ-მდე. ეს სეგმენტი განსაკუთრებით საინტერესოა კურიერებისთვის, თუმცა, პირველ კატეგორიას იდეალურად მოერგება ჩვეულებრივი მომხმარებელიც. დატენვის პროცესი ძალიან მარტივია – საკმარისია ჩართოთ ქსელში სახლში და 4 საათში სრულად დაიტენება.

როდის გამოჩნდით ბაზარზე და რა გეგმები გაქვთ?

• საქართველოში სულ რაღაც ერთი თვეა, რაც ვართ ბაზარზე წარმოდგენილი. ჩინურ კომპანიასთან გაფორმებული გვაქვს ოფიციალური წარმომადგენლობის ხელშეკრულება და ვხელმძღვანელობთ ამ ხელშეკრულებაში გაწერილი პირობებით.

ცხადია, ელექტროძრავიანი გადაადგილების კულტურა ჯერ კიდევ ფორმირების პროცესშია, რაც გარკვეულ გამოწვევებს ქმნის გაყიდვებთან დაკავშირებით. თუმცა, გვჯერა, რომ უახლოეს მომავალში ელექტრო სკუტერები ქალაქის ქუჩებში ყოველდღიური სურათი გახდება.

ყველა შემოყვანილ სკუტერზე ექსპერტიზის ჩატარება და დამატებითი ღირებულების გადახდა გვიწევს, რაც, მაგალითად, არ ეხება სხვა ელექტროსაშუალებებს. თუ ეს საკანონმდებლო  საკითხი მოგვარდება, ელექტრო სკუტერებიც უფრო დიდი რაოდენობით შემოვა და მისი პოპულარიზაციაც გაიზრდება.

რა უპირატესობები აქვს ელექტრო სკუტერს სხვა სატრანსპორტო საშუალებებთან შედარებით?

• პირველ რიგში, არ საჭიროებს ზეთს, სტარტერს ან სხვა რთულ ტექნიკურ მომსახურებას – მარტივი და მოსახერხებელია ყოველდღიური მოხმარებისთვის. არ აქვს ხმაური, არც გამონაბოლქვი – შესაბამისად, ეკო-მეგობრულია. რაც მთავარია, 100 კმ გადაადგილება მხოლოდ 70 თეთრი ჯდება – რაც უბრალოდ ფანტასტიკური მაჩვენებელია.

ასევე, ჩვენი მოდელები საკმაოდ ბიუჯეტურია – 6200 ლარის ფარგლებში უკვე შესაძლებელია პრემიუმ ხარისხის სკუტერის შეძენა. ყველა მათგანი ევროპული სერთიფიცირებითაა უზრუნველყოფილი, რაც კიდევ უფრო ზრდის მათ ნდობას და პოპულარობას.

როგორ გაჩნდა ინტერესი ამ სფეროს მიმართ?

• წინა წელს ჩინეთში ვესტუმრე გამოფენას, რომელიც წელიწადში ორჯერ იმართება. სწორედ იქ დავინტერესდი ელექტრო სკუტერებით – ჩინეთში მოსახლეობის 99%-ს ელექტრო გადაადგილების საშუალება აქვს, რაც ჩემთვის შთამბეჭდავი იყო.

რას ელით EV Exposition-დან?

• ჩემი აზრით, მსგავსი გამოფენები ძალიან მნიშვნელოვანი პლატფორმაა ბიზნესებისთვის, განსაკუთრებით მათთვის, ვინც ამ სფეროში მუშაობს.

მადლობას ვუხდი ორგანიზატორებს ასეთი შესაძლებლობისთვის. იმედს ვიტოვებთ, რომ ეს იქნება მხოლოდ დასაწყისი და შემდეგშიც გაგრძელდება ასეთი ღონისძიებები.

გამოფენაზე წარმოდგენილი გვექნება შემდეგი მოდელები:

• სკუტერები: Eternity, Taxi Speed, LJ 007, Tank II

• სქროლები: S-03 და U-01

ეს იქნება ჩვენი პირველი, მაგრამ მძლავრი ნაბიჯი მომხმარებელთან ურთიერთობის ახალი ეტაპის დასაწყებად.

R