ინდოეთი ელექტრო ავტომობილების ცენტრი ხდება, სადაც მწარმოებლები აწარმოებენ ელექტრო ორბორბლიანებს შთამბეჭდავი სპეციფიკაციებითა და შესრულებით, გლობალური კონკურენტების ფასთან შედარებით ბევრად ნაკლებ ფასად. აღნიშნულმა პროცესმა კი შესაძლოა გლობალური EV ბაზარი მთლიანად გადაატრიალოს, რადგან ინდური კომპანიები სთავაზობენ ხელმისაწვდომ და მაღალწარმად მოდელებს უფრო და უფრო ფართო აუდიტორიას.

ერთ-ერთი საუკეთესო მაგალითია ინდური EV სტარტაპის Raptee-ს მიერ ახლად გამოშვებული T30, სპორტული და მომავლის მოტოციკლი. აღნიშული მოდელი ცვლის წარმოდგენას EV მოტოციკლებზე, რადგან აქცენტს უფრო სპორტულ და სასიამოვნო მგზავრობაზე აკეთებს, ვიდრე უბრალოდ მოხმარებასა და ეფექტურობაზე. 

T30 აღჭურვილია თანამედროვე ტექნოლოგიებით, მათ შორის არის შვიდ-ინჩიანი სენსორული ეკრანი, რომელიც აერთიანებს სმარტფონის კავშირებს, ნავიგაციასა და OTA განახლებებს. 

შესრულების მიხედვით, T30-ს შეუძლია კონკურენცია გაუწიოს სხვა ელექტრო მოტოციკლებს. მისი სპეციფიკაციები ახლად გამოშვებული მოდელების, Can-Am Origin-ის და Pulse-ის მსგავსია, მაგრამ გამოირჩევა ბევრად დაბალი ღირებულებით.

თუ აღნიშნული ტენდენცია გაგრძელდება, ინდური EV მოტოციკლები შესაძლოა ბევრად უფრო ხელმისაწვდომი გახდეს საერთაშორისო ბაზრებისთვის და გლობალური ელექტრო სატრანსპორტო ბაზარი მნიშვნელოვნად გადაალაგოს.