ახალმა Nissan Leaf 2026-მა რეალურ ტესტში ოფიციალურ მაჩვენებელს მნიშვნელოვნად გადააჭარბა
Nov 5, 2025
Edmunds-ის მიერ ჩატარებულ რეალურ გზის ტესტში ახალი Nissan Leaf 2026 ბევრად უფრო ეფექტური აღმოჩნდა, ვიდრე ივარაუდებოდა.
ტესტის შედეგებით, ავტომობილმა 499 კმ დაფარა ერთჯერადი დამუხტვით - რაც EPA-ის ოფიციალურ მონაცემზე მეტია.
📊 ოფიციალური მაჩვენებლები vs რეალური შედეგები
ტესტში მონაწილე იყო ტოპ ვერსია — Leaf Platinum+, რომლის ოფიციალური დიაპაზონი 417 კმ-ა, თუმცა რეალურმა ტესტმა აჩვენა, რომ ის გაცილებით შორს მიდის.
შედარებისთვის:
Leaf S+ - EPA: 488 კმ
Leaf SV+ - EPA: 463 კმ
Leaf Platinum+ (ტესტირებული) - EPA: 417 კმ / Edmunds ტესტში: 499 კმ
ეს ნიშნავს, რომ 2026 წლის მოდელის ყველა ვერსია შესაძლოა ოფიციალურ შეფასებაზე გაცილებით ეფექტური აღმოჩნდეს.
Edmunds-ის ტესტში დაფიქსირდა საშუალო ენერგომოხმარება 27.8 კილოვატსაათი 100 მილზე, რაც შეადგენს დაახლოებით 17.3 კილოვატსაათს 100 კილომეტრზე - ეს 15.9%-ით უკეთესია, ვიდრე EPA-ს მონაცემებში მითითებული 33 კილოვატსაათი 100 მილზე (ანუ დაახლოებით 20.5 კილოვატსაათი 100 კმ-ზე).
ეს ნიშნავს, რომ Leaf 2026 არამხოლოდ უფრო შორს მიდის, არამედ ნაკლებ ენერგიასაც მოიხმარს.
ტესტის მარშრუტი მაქსიმალურად ახლოსაა რეალურ ყოველდღიურ პირობებთან:
60% ქალაქში
40% მაგისტრალზე
საშუალო სიჩქარე: 40 mph (64 კმ/სთ)
ავტომობილი მუშაობს eco რეჟიმში,
ტემპერატურა: 72°F (22°C)
ეს მეთოდი მნიშვნელოვნად განსხვავდება სტანდარტული ლაბორატორიული ტესტებისგან და უკეთ ასახავს ყოველდღიურ მართვას.
ტექნიკური მახასიათებლები
ამ ეტაპზე ახალი Leaf სთავაზობს მხოლოდ 75 კილოვატსაათიან ბატარეას და წინა ამძრავ სისტემას (FWD).
მალე lineup-ში დაემატება უფრო ხელმისაწვდომი 52 კილოვატსაათიანი ვერსია, რომელიც მცირე დიაპაზონისა და უფრო დაბალი ფასის მქონე მოდელად იქნება განკუთვნილი.