ახალ GMC Sierra EV-ს აქვს უფრო დაბალი ფასი და მეტი შესაძლებლობა
Oct 24, 2024
მიუხედავად იმისა, რომ ზოგიერთი ელექტროავტომობილი (EV) საკმაოდ ხმაურიანად ჩნდება ხოლმე ბაზარზე, GMC Sierra EV-მა ჩუმად დაიწყო თავისი გზა. პირველი მოდელის შეზღუდული გამოშვების შემდეგ, Sierra EV-ი ემზადება თავისი მეორე ვერსიის გამოსაშვებად. ახალი ელექტრო პიკაპი გაყიდვაში ჩაეშვება 2025 წელს, უფრო დაბალი ფასით და მეტი შესაძლებლობით.
ელექტრო პიკაპების ბაზარი ნელა იზრდება, რადგან ტრადიციული პიკაპის მყიდველები სიფრთხილით ეკიდებიან ელექტრო ვარიანტების შერჩევას. Tesla-ს Cybertruck-მა დიდი გაყიდვები დააფიქსირა, თუმცა ძირითადი მყიდველები არიან ადამიანები, ვისაც აქამდე პიკაპი არ შეუძენიათ და ეს მათი პირველი შენაძენია.
ამ დინამიკის გათვალისწინებით, GMC-იმ თავდაპირველად გამოუშვა Sierra EV პრემიუმ მოდელად. 2024 წლის დებიუტი შემოიფარგლა ძალიან მაღალი კლასის Denali Edition 1-ით, რომლის ფასი აშშ-ში $100,000-ზე მეტი იყო.
2025 წლისთვის, GMC ცვლის თავის სტრატეგიას ორი ახალი ტრიმით: Denali Extended Range და Denali Max Range.
GMC აღნიშნავს, რომ ორივე მოდელი Level 3 საჯარო დამტენზე შეერთებისას 10 წუთში დამუხტვით 160 კმ-ის გავლას შეძლებს.
GMC გეგმავს, რომ მომავალი წლის პირველ ნახევარში გააფართოოს Sierra EV-ის ასორტიმენტი Elevation და AT4 მოდელების დამატებით, რომლებიც მომხმარებლებს უფრო მეტ არჩევანსა და გაუმჯობესებულ ოფროუდ შესაძლებლობებს შესთავაზებს.