Nissan-მა NISSAN ENERGY Charge Network წარადგინა, რომელიც EV დამუხტვას ამარტივებს
Oct 23, 2024
Nissan-ი ამარტივებს ელექტრომობილის (EV) დამუხტვას NISSAN ENERGY Charge Network-ის დანერგვით. ახალი ქსელი საშუალებას აძლევს Nissan Ariya-ს და მომავალი Nissan-ის ელექტრომობილების მძღოლებს, მარტივად იპოვონ დამუხტვის სადგურები, ნახონ დამუხტვის რეალურ დროში ხელმისაწვდომობა და გადაიხადონ დამუხტვისთვის პირდაპირ MyNISSAN აპლიკაციის მეშვეობით, რაც მომხმარებლებს გამარტივებულ გამოცდილებას სთავაზობს.
NISSAN ENERGY Charge Network მოიცავს 90,000-ზე მეტ დამუხტვის სადგურს მთელ შეერთებულ შტატებში. დამუხტვის პარტნიორებს შორის არის Electrify America, რომელიც ქვეყანაში ყველაზე მეტი საჯარო სწრაფი დამუხტვის სადგურით გამოირჩევა, ასევე Shell Recharge, ChargePoint და EVgo ქსელები.
წლის ბოლოსთვის, Nissan Ariya-ს მძღოლები შეძლებენ გამოიყენონ North American Charging Standard (NACS) ადაპტერი, რაც შესაძლებლობას მისცემთ Tesla-ს Supercharger-ის ლოკაციებზე დამუხტონ ელექტრომობიები.
EV-ები Nissan-ის სტრატეგიის ცენტრალურ ნაწილს წარმოადგენს, რომელიც მომავლის მდგრად მობილობას გულისხმობს. კომპანიის "The Arc" საშუალოვადიანი ბიზნეს გეგმის ფარგლებში, Nissan-ი 2026 ფისკალური წლის ბოლომდე გეგმავს გლობალურად 16 ახალი ელექტრო მოდელის გამოშვებას.