2024 წლის იანვარ-აგვისტოში საქართველოში ელექტრომობილების იმპორტი 126.5%-ით გაიზარდა. ამის შესახებ ინფორმაციას საქსტატი ავრცელებს. 

მათივე ცნობით, 2024 წლის იანვარ-აგვისტოში ქვეყანამ 2 770 ერთეული ელექტრომობილი იყიდა, წინა წლის ანალოგიურ პერიოდში კი - 1 223 ერთეული.

ელექტრომობილების ყველაზე დიდი რაოდენობა საქართველომ აშშ-ში შეიძინა. მეორე და მესამე ადგილს ჩინეთი და იაპონია იკავებენ. 

გიზიარებთ ტოპ-5 ქვეყანას, საიდანაც საქართველომ 2024 წელს ელექტრომობილების იმპორტი განახორციელა:

• აშშ - 1 429 ერთეული

• ჩინეთი - 568 ერთეული

• იაპონია - 558 ერთეული

• გერმანია - 92 ერთეული 

• არაბთა გაერთიანებული საამიროები - 32 ერთეული

რაც შეეხება ექსპორტს (რეექსპორტი), წელს საქართველოდან გავიდა 314 ერთეული ელექტრომობილი, გასული წლის ანალოგიურ პერიოდში კი - 207 ერთეული.