საქართველოში ელექტრომობილების პოპულარიზაცია დღითიდღე იზრდება, თუმცა ეკო-მეგობრული ტრანსპორტის განვითარება წარმოუდგენელია შესაბამისი ინფრასტრუქტურის გარეშე. 

საქართველოში პირველი დამტენის დამონტაჟებიდან დღემდე, E-Space ერთ-ერთი მთავარი მოთამაშეა ამ მიმართულებით და ელექტრომობილების დამტენების ქსელის განვითარებაში ათწლეულის გამოცდილება აქვს.

EV Exposition 2025 ამ პროცესის მნიშვნელოვანი ეტაპია — სივრცე, სადაც მომხმარებლებს, კომპანიებსა და სფეროს წარმომადგენლებს შესაძლებლობა აქვთ, დაინახონ ტექნოლოგიური ტრენდები და დაამყარონ ახალი კავშირები.

თემაზე ვესაუბრეთ E-Space-ის საოპერაციო სამსახურის ხელმძღვანელს, დავით იოსავას, რომელიც გვიზიარებს კომპანიის ისტორიასა და მომავლის ხედვებს:

• E-Space დაარსდა 2016 წელს და იყო პირველი კომპანია, რომელმაც საქართველოში დაამონტაჟა ორი საჯარო მოხმარების ელექტრომობილის დამტენი. უკვე 2017 წელს დავამონტაჟეთ პირველი სწრაფი დამტენები, რაც ამ დროისთვის ნოვატორული ნაბიჯი იყო.

ჩვენი მიზანი თავიდანვე იყო ელექტრომობილების პოპულარიზაცია. სწორედ ამიტომ, პირველი რამდენიმე წლის განმავლობაში დამტენების გამოყენება სრულიად უფასო იყო. დამონტაჟება სრულად დაფინანსდა კერძო ინვესტიციებით – სახელმწიფო სუბსიდიების გარეშე.

ჩვენს მიერ დამონტაჟებული სწრაფი დამტენები დღესაც ფუნქციონირებს თბილისის–ბათუმის მაგისტრალზე, თბილისში, ქუთაისში, ზუგდიდსა და ყაზბეგში.

რით განსხვავდება E-Space სხვა კომპანიებისგან?

• უპირველეს ყოვლისა, ჩვენ ვართ ABB-ის სერტიფიცირებული წარმომადგენელი საქართველოში. ეს არის ერთ-ერთი ყველაზე ძლიერი პრემიუმ ბრენდი ელექტროწარმოების სფეროში და მათი დამტენები გამოიყენება ისეთ ქვეყნებში, როგორებიცაა აშშ, სკანდინავიის სახელმწიფოები და სხვა ევროპული ბაზრები.

ჩვენ ძირითადად ვთავაზობთ პრემიუმ კლასის ევროპულ პროდუქტებს – შვეიცარიული, იტალიური და ავსტრიული წარმოების. ასევე ვმუშაობთ ჩინურ ბრენდებთან, როცა მომხმარებელი ამას კონკრეტულად მოითხოვს.

ასევე, ვიყავით პირველი კომპანია, რომელმაც შექმნა პლატფორმა გადაწყვეტილების თავისუფლებით – ჩვენს პარტნიორებს შეუძლიათ თავად განათავსონ დამტენები, ჩვენ კი მათ ვაძლევთ ტექნიკურ მხარდაჭერას, ავსახავთ დამტენებს აპლიკაციაში და ვეხმარებით მომხმარებლებთან წვდომაში, რაც შემოსავლის გენერირებასაც გულისხმობს.

როგორია მომხმარებელთან ურთიერთობა და მხარდაჭერა?

• ჩვენი გუნდი 2016 წლიდან დღემდე მუდმივად უწევს კონსულტაციას იმ ადამიანებს, ვინც ელექტრომობილის ყიდვას ან უკვე გამოყენებას იწყებს. დეტალურად ვუხსნით დამტენის შერჩევის პრინციპებს, როგორ ხდება დამუხტვა და რას უნდა მიაქციოს ყურადღება.

ასევე გვაქვს ყველა ტიპის დამტენი და კაბელები, რაც სხვადასხვა ტიპის ავტომობილისთვისაა საჭირო — მომხმარებელს სჭირდება მხოლოდ არჩევანი, დანარჩენს ჩვენ ვუწევთ ტექნიკურ უზრუნველყოფას.

რას ფიქრობთ EV Exposition-ის მნიშვნელობაზე?

• ელექტრომობილების გამოფენა ძალიან მნიშვნელოვანია — როგორც კომპანიებისთვის, ასევე მომხმარებლებისთვის. პირადად ხშირად ვესწრები მსგავსი ტიპის ღონისძიებებს უცხოეთში და ვხედავ, რამდენად ამარტივებს ისინი პარტნიორების მოძიებას და ახალ შესაძლებლობებზე მუშაობას.

ასეთ სივრცეში თავმოყრილია ყველა საჭირო მოთამაშე: ტექნოლოგიური კომპანიები, მსხვილი ბრენდები, სერვისის მიმწოდებლები და, რაც მთავარია, მომხმარებელი, რომელსაც შეუძლია ერთ სივრცეში მიიღოს ინფორმაცია, დაათვალიეროს და დატესტოს პროდუქტები და თავად გადაწყვიტოს, სურს თუ არა ელექტრომობილზე გადასვლა.

ეს გამოფენა ასევე ქმნის გარემოს ბრენდის ცნობადობის გასაზრდელად, ახალი კავშირების დასამყარებლად და სექტორში თანამშრომლობის გასაღრმავებლად.

R