Tesla-ს ბაზრის წილი აშშ-ში ყველაზე დაბალ ნიშნულზეა 2017 წლის შემდეგ
Sep 11, 2025
Tesla-ს, რომელიც ოდესღაც ამერიკის ელექტრომობილების ბაზარზე 80%-ზე მეტს აკონტროლებდა, ახლა მხოლოდ 38%-იანი წილი დარჩა. ეს პირველი შემთხვევაა 2017 წლის შემდეგ, როცა კომპანიის წილი 40%-ზე ქვემოთ ჩამოვიდა.
რატომ ეცემა Tesla-ს წილი?
კომპანიის მოდელების ჩამონათვალი მოძველებულია - ბოლო მნიშვნელოვანი გამოშვება იყო Cybertruck 2023 წელს, რომელიც ვერ გახდა ისეთი ჰიტი, როგორიც Model 3 ან Model Y.
Tesla უფრო მეტად კონცენტრირებულია რობოტაქსებისა და ჰუმანოიდი რობოტების განვითარებაზე, ვიდრე ახალი და იაფი EV მოდელების წარმოებაზე.
კონკურენტები - Hyundai, Kia, Honda, Toyota, Volkswagen და სხვები უფრო ხელმისაწვდომ შეთავაზებებსა და დიდ ფასდაკლებებს სთავაზობენ მომხმარებლებს.
ბაზრის ტენდენციები
ივლისში EV გაყიდვები აშშ-ში 24%-ით გაიზარდა, Tesla-მ კი მხოლოდ 7%-იანი ზრდა აჩვენა და ბაზრის წილი 42%-მდე ჩამოუვარდა.
აგვისტოში Tesla-მ ზრდა კიდევ უფრო შეამცირა - მხოლოდ 3.1%, მაშინ როცა მთლიანი ბაზარი 14%-ით გაიზარდა.
Volkswagen-მა, მაგალითად, ID.4 SUV-ზე შეთავაზებული იაფი ლიზინგისა და უფასო სწრაფი დამუხტვის აქციებით გაყიდვები ერთ თვეში 450%-ით გაზარდა.
ფინანსური ზეწოლა
Tesla რთული არჩევანის წინაშე დგას:
გაყიდვების გასაზრდელად უწევს ფასდაკლებების შეთავაზება, რაც ამცირებს მოგებას.
ან უნდა შეინარჩუნოს მოგება და დათმოს ბაზრის წილი.
ექსპერტები ვარაუდობენ, რომ სექტემბერში EV გაყიდვები კიდევ გაიზრდება, რადგან 7,500 დოლარიანი საგადასახადო კრედიტი მალე სრულდება. თუმცა, ოქტომბრიდან მოსალოდნელია გაყიდვების ვარდნა, რაც Tesla-სთვის დამატებით ზეწოლას შექმნის.