Mercedes-ის ყველაზე პრაქტიკული ელექტრომობილი უკვე მზად არის - 7 ადგილი და 630 კმ ერთი დამუხტვით
Dec 8, 2025
Mercedes-Benz კიდევ ერთ ნაბიჯს დგამს თავისი ელექტრული ხაზის განახლებისკენ: EQB მოდელი ეტაპობრივად ქრება სცენიდან და მის ადგილს იკავებს სრულიად ახალი, სრულად ელექტრული Mercedes GLB. როგორც CLA და GLC-ის შემთხვევაში, ბრენდი ამჯერადაც თავიდან ელექტრო ვერსიით იწყებს, ხოლო ჰიბრიდები ცოტა მოგვიანებით დაემატება.
ელექტრო GLB საწყისად ორ ვერსიაში გამოდის:
GLB 250+ with EQ Technology - დაახლოებით 630 კმ სავალი მარაგით
GLB 350 4Matic with EQ Technology - დაახლოებით 615 კმ სავალი მარაგით
ორივე ვერსია იყენებს:
85 kWh ბატარეას
800-ვოლტიან არქიტექტურას
სწრაფ DC დამუხტვას 320 kW სიმძლავრით
ბრენდის თქმით, 10 წუთიანი სწრაფი დამუხტვით შესაძლებელია დამატებით დაახლოებით 260 კმ სვლის მიღება, რაც ყოველდღიურ და გრძელგეზიან მგზავრობებს საგრძნობლად ამარტივებს.
ძრავი და დინამიკა
GLB 250+
ერთი ელექტროძრავა უკანა ღერძზე
268 ც.ძ.
247 lb-ft ბრუნვის მომენტი
აჩქარება 0-100 კმ/სთ ≈ 7.4 წამი
GLB 350 4Matic
ორი ელექტროძრავა (პირობითი სრული ამძრავი)
349 ც.ძ.
380 lb-ft ბრუნვის მომენტი
აჩქარება 0-100 კმ/სთ ≈ 5.5 წამი
ბუქსირის შესაძლებლობა - დამატებით 2 ტონამდე მისაბმელი
Mercedes უკვე აანონსებს, რომ მომავალში GLB-ის კიდევ უფრო მრავალფეროვანი ელექტრო ვერსიები დაემატება, ხოლო ჰიბრიდები მიიღებენ 1.5-ლიტრიან ოთხცილინდრიან ძრავას, რომელიც უკვე გამოიყენება CLA-ს შიდა წვის ვერსიებში.
სალონი: Superscreen, AI-ასისტენტი და 7-ადგილიანი განლაგება
ინტერიერში GLB დიდწილად იმეორებს ახალი CLA-ს კონცეფციას. სურვილის შემთხვევაში ხელმისაწვდომია Superscreen, რომელიც მოიცავს:
10.25’’ ციფრულ მძღოლის დისპლეის
14’’ ცენტრალურ ინფოთაიმენტ ეკრანს
14’’ დამატებით ეკრანს მგზავრისთვის
სალონში მუშაობს ახალი თაობის MBUX 4.0, ხოლო ვირტუალური ასისტენტი იყენებს generative AI-ს Microsoft-ისა და Google-ის პლატფორმებიდან.
სივრცის მხრივ GLB გახდა:
უფრო გრძელი საბაზო თვლების დაშორებით (+60 მმ) - მეტი ადგილი ფეხებისთვის
ხელმისაწვდომია 7-ადგილიანი განლაგება
შესაძლებელია 5 საბავშვო სავარძლის განთავსება
შუა რიგის მოძრავი/სრიალელი სკამები
სტანდარტული პანორამული მინის სახურავი, რომლის შიგნით დეკორატიული 158 განათებული „ვარსკვლავია“
გარედან ახალი GLB ინარჩუნებს თითქმის ისეთივე „კუბურ“ სილუეტს, როგორც წინამორბედი, თუმცა ვიზუალურად აშკარად უფრო ძლიერი იდენტობა აქვს.
