Mercedes-Benz-ის ყველაზე გაყიდვადი SUV ახლა სრულად ელექტრო ვერსიით ბრუნდება
Oct 24, 2025
Mercedes-Benz-ის ყველაზე გაყიდვადი SUV ახლა სრულად ელექტრო ვერსიით ბრუნდება. ბრენდის თქმით, ახალი GLC EV არის „ყველაზე მნიშვნელოვანი მოდელი Mercedes-ის ისტორიაში“. ეს არის ავტომობილი, რომელიც განსაზღვრავს კომპანიის მომავალს ელექტრიფიცირებული ეპოქაში.
Mercedes-მა დაიწყო ახალი GLC EV-ის კონფიგურატორის მუშაობა თითქმის ყველა ევროპულ ბაზარზე.
ახალი GLC EV ვიზუალურად ჰგავს თავის ბენზინის წინამორბედს, მაგრამ ტექნიკურად სრულად განსხვავებულია.
გაგრძელებული ბაზის წყალობით, ავტომობილში გახდა შესაძლებელი 13 მმ-ით მეტი ფეხის ადგილი და 46 მმ-ით მეტი ჭერის სივრცე წინა რიგში, ხოლო უკანა მგზავრებისთვის - 47 მმ მეტი ფეხის ადგილი და 17 მმ მეტი სივრცე თავზე.
ინტერიერში ყურადღება იპყრობს MBUX Hyperscreen, Mercedes-ის ყველაზე დიდი 33.1 დიუმიანი პანორამული ეკრანი, რომელიც მთელ ტორპედოზეა გადაჭიმული.
მოდელი ხელმისაწვდომია სამ კომპლექტაციაში:
Advanced
Premium
Premium Plus
და შეიცავს ისეთი დამატებითი ფუნქციებს, როგორებიცაა განათებული გრილი, Burmester-ის 3D/4D აუდიო სისტემა და მასაჟის ფუნქციით აღჭურვილი სავარძლები.
პირველი ვერსია იქნება GLC 400 4MATIC EQ Technology, რომელიც აღჭურვილია:
94 კვტს ბატარეით
სავალი მანძილით: 715 კმ (WLTP)
მოხმარებით: 14.9 კვტს/100 კმ - კლასის საუკეთესო მაჩვენებელი
დამუხტვა: 330 კვტ-მდე სიმძლავრით → რაც ნიშნავს, რომ მხოლოდ 10 წუთში დაამატებს 303 კმ სავალ მანძილს.
“GLC არის ჩვენი ყველაზე მნიშვნელოვანი მოდელი - ის განსაზღვრავს ბრენდის მომავალს როგორც ფუფუნების, ისე ტექნოლოგიის კუთხით”, - აცხადებს Mercedes-Benz-ის აღმასრულებელი დირექტორი.
GLC EV პირველ რიგში გაიყიდება ევროპაში, ხოლო აშშ-ში დებიუტი იგეგმება 2026 წლის დასაწყისში, სადაც ავტომობილი დაახლოებით 560 კმ-ზე მეტ სავალ მანძილს შესთავაზებს მომხმარებლებს.