ტრამპი მასკს ემუქრება? შესაძლოა Tesla-სთვის სუბსიდიები შეწყდეს
Jul 2, 2025
აშშ-ის პრეზიდენტი დონალდ ტრამპი ისევ დაუპირისპირდა ილონ მასკს: ტრამპმა განაცხადა, რომ შესაძლოა გადაიხედოს ელექტრომობილების სუბსიდიები და Tesla-მ დაკარგოს ფინანსური მხარდაჭერა, რაც კომპანიისთვის სერიოზულ გამოწვევას შექმნის.
ტრამპმა ხუმრობით აღნიშნა, რომ მისი “DOGE” მზად არის „შეჭამოს“ მასკი, თუ Tesla-ს სუბსიდიები არ გადახედეს. ეს განცხადება მოჰყვა მასკის კრიტიკას იმ ახალ კანონპროექტზე, რომელიც ელექტრომობილების დაფინანსების წესებს ცვლის.
ილონ მასკმა კი უპასუხა, რომ მზად არის უარი თქვას სუბსიდიებზე და შეამციროს Tesla-ს დამოკიდებულება სახელმწიფო მხარდაჭერაზე, თუმცა ეს ნაბიჯი მნიშვნელოვნად დააზარალებს კომპანიის ფინანსურ შედეგებს.
ექსპერტების თქმით, თუ ტრამპი ნამდვილად გადახედავს სუბსიდიებს, ეს მხოლოდ Tesla-სთვის კი არა, არამედ მთლიან ელექტრომობილების ინდუსტრიისთვისაც სერიოზული გამოწვევა გახდება.