ნახეთ ელექტრო პიკაპი, რომელმაც კორეაში ფურორი მოახდინა – ახლა კი მთელი მსოფლიოს დაპყრობას აპირებს

კორეულმა ავტომწარმოებელმა KG Mobility (ყოფილი SsangYong) სრულიად ელექტრული პიკაპით – Musso EV – ადგილობრივ ბაზარზე სერიოზული გადატრიალება მოახდინა და ახლა გლობალურ ბაზრებზეც გამოდის.

KGM-მ სულ ახლახან აღნიშნა თავისი ახალი ელექტრო Musso EV-სა და ჰიბრიდული Torres HEV-ის ექსპორტის დაწყება. პირველი გემი, რომელზეც 983 ავტომობილი იყო დატვირთული (მათ შორის 184 Musso EV), უკვე გაემართა ევროპის მიმართულებით. პირველი ქვეყნები, სადაც Musso EV გაიყიდება, იქნებიან: გერმანია, ესპანეთი, ნორვეგია, უნგრეთი და სხვა ბაზრები.

Musso EV-ის გამოშვებისთანავე, მხოლოდ ორი კვირის განმავლობაში მიღებულ იქნა 3,200-ზე მეტი შეკვეთა. სპეციალური ვერსია კი სულ რაღაც 90 წუთში გაიყიდა.

KGM პოზიციონირებს Musso EV-ს, როგორც SUV-ების ალტერნატივას – ყოველდღიური გადაადგილებისთვის უფრო პრაქტიკული და მეტი სივრცით. ავტომობილი 5,160 მმ სიგრძის, 1,920 მმ სიგანისა და 1,740 მმ სიმაღლისაა, რაც მას ზომით Ford Ranger-ს ადარებს.

Musso EV აღჭურვილია:

• 86.6 კილოვატიანი LFP ბატარეით, რომლის სავალი მანძილი 400 კმ-მდე აღწევს;

• სწრაფი დატენვით – 80%-მდე 24 წუთში;

• წინა წამყვანი მოდელით (152.2 კილოვატი / 207 ცხ.ძ.) და ოთხძრავიანი ვერსიით (413 ცხ.ძ.);

• ტვირთის გადაყვანის შესაძლებლობით – 1.8 ტონა;

• "Trailer Sway" ფუნქციით, რაც ბუქსირის სტაბილურობას უზრუნველყოფს.

ინტერიერი წააგავს Kia და Hyundai-ს ახალ მოდელებს – აქვს ორმაგი 12.3-დუიმიანი პანორამული ეკრანი, ნავიგაციითა და მართვის სისტემებით. ასევე დამონტაჟებულია ClearSite Ground View კამერა, რომელიც გზის ქვეშ მდებარე სივრცეს გვიჩვენებს.

KG Mobility-მ თავისი ახალი ელექტრო პიკაპით არა მხოლოდ ადგილობრივ ბაზარზე შეძლო დამკვიდრება – ის უკვე მზად არის, რომ ერთ-ერთი მთავარი მოთამაშე გახდეს გლობალურ EV ინდუსტრიაში. და როგორც ჩანს, ეს მხოლოდ დასაწყისია.