BYD ტექნოლოგიური განცხადებიდან რეალურ მოქმედებაზე გადადის — კომპანიის მიერ წარდგენილი 1,000 კილოვატიანი EV სწრაფი დამუხტვის სადგურები უკვე მზადაა და, როგორც ჩანს, პირველი ასეულები აპრილის დასაწყისშივე განთავსდება ჩინეთის მასშტაბით.

5 წუთში 400 კმ? ტექნოლოგია უკვე მზადაა

BYD-ის ახალი Super E-Platform, რომელიც ოფიციალურად 17 მარტს წარადგინეს, იძლევა 1 მეგავატამდე (1,000 კვტ) დამუხტვის შესაძლებლობას. ახალი არქიტექტურის მქონე ელექტრომობილები, როგორიცაა Han L და Tang L, შეძლებენ 5 წუთში დაამატონ დაახლოებით 400 კმ სავალი მანძილი, რაც პრაქტიკულად ასწრებს ბენზინის ჩასხმის სიჩქარეს.

4,000 მაღალი სიმძლავრის დამტენის გეგმა

BYD-მა უკვე დააანონსა 4,000-მდე ახალი სუპერ-დამტენის განთავსება ჩინეთში. დღევანდელი ინფორმაციით, პირველი 500 დამტენი უკვე მზად არის და მათი დაყენება დაიწყება აპრილის დასაწყისში, პარალელურად Han L და Tang L მოდელების გაყიდვების დაწყებასთან.

ინფრასტრუქტურა, რომელიც ძალას მოითხოვს

1,000 კვტ-იანი დამტენების დასაყენებლად ჩვეულებრივი ენერგოგადამცემი ქსელი საკმარისი არ არის. ამიტომ BYD გეგმავს დამტენებთან ერთად ენერგიის შენახვის მოდულების (energy storage) დაყენებას, რათა დამუხტვის სიჩქარე მაქსიმალურად შენარჩუნდეს ყველა ლოკაციაზე.

11 მსოფლიო პრეცედენტი ახალ BEV-ებში

BYD-ის საზოგადოებასთან ურთიერთობის გენერალური მენეჯერის თქმით, Han L და Tang L მოდელები „მსოფლიოში პირველად დანერგავენ“ 11 ინოვაციურ ტექნოლოგიას, მათ შორის 1 MW დამუხტვას.

მისი თქმით, ბევრ ადამიანს ჯერ კიდევ არ სჯერა, რომ ასეთი სიჩქარე რეალურია:

"ბევრი ფიქრობს, რომ ეს შეუძლებელია. ჩვენ კი ვიწვევთ ყველას, თავად გამოცადოს ეს ტექნოლოგია, როდესაც ის ამოქმედდება ჩინეთში."

მან ასევე აღნიშნა, რომ მიუხედავად იმისა, რომ ამჟამად BYD ლიდერია გარკვეულ ტექნოლოგიებში, ეს პოზიცია არ არის მუდმივი — და რაც მთავარია, ეს ჯანსაღი კონკურენციის საფუძველია:

"ელექტრიფიკაციისა და ინტელექტუალური მობილობის გზა ფართოა. ბაზარს შეუძლია მოიცვას ყველა კომპანია, რომელსაც აქვს ძლიერი ტექნოლოგია და კარგი პროდუქტი."

Solar Auto ქართულ ბაზარზე 2022 წლიდან ოპერირებს და წარმოადგენს ჩინური გიგანტი ბრენდის – BYD-ის (Build Your Dreams) პირველ ავტორიზებულ იმპორტიორს საქართველოში.

კომპანია ქართველ მომხმარებლებს სთავაზობს BYD-ის ახალი ავტომობილების სრულ ასორტიმენტს, ორიგინალ ნაწილებს და საგარანტიო სერვისს.

სრული სამოდელო რიგის გასაცნობად ეწვიეთ ვებგვერდს: www.solarauto.ge