BYD-მა დიდ ბრიტანეთში, ავსტრალიასა და ბრაზილიაში Tesla-სა და Kia-ს გაუსწრო და ბაზრის ლიდერი გახდა
May 7, 2026
სტატია მომზადებულია სოლარ ავტოსთან კოლაბორაციით
ჩინურმა ავტოგიგანტმა BYD-მა დიდ ბრიტანეთსა და რამდენიმე სხვა საკვანძო უცხოურ ბაზარზე ელექტრომობილების (EV) გაყიდვებით პირველი ადგილი დაიკავა. კომპანიამ უკან ჩამოიტოვა ისეთი გლობალური მოთამაშეები, როგორებიცაა Tesla, Kia და Volkswagen.
სარეკორდო ექსპორტი შიდა ბაზარზე კლების ფონზე
2026 წლის აპრილში კომპანიამ ჯამში 321,123 ახალი ენერგიის ავტომობილი (NEV) გაყიდა. მიუხედავად იმისა, რომ BYD-ს ჩინეთის შიდა ბაზარზე ზედიზედ მერვე თვეა კლება უფიქსირდება, კომპანიის ექსპორტმა რეკორდულ ნიშნულს მიაღწია. აპრილში საზღვარგარეთ გაყიდვები წლიურად 70%-ით გაიზარდა და 135,098 ერთეული შეადგინა. მთლიანობაში, 2026 წლის პირველ ოთხ თვეში კომპანიამ საერთაშორისო ბაზარზე უკვე 456,263 ავტომობილი გაიტანა.
ნომერ პირველი ბრენდი ბრიტანეთში
SMMT-ის უახლესი სარეგისტრაციო მონაცემებით, BYD დიდ ბრიტანეთში 2026 წლის ყველაზე გაყიდვადი EV ბრენდია. აპრილის ჩათვლით ბრენდმა 12,754 სრულად ელექტრო ავტომობილი გაყიდა, რითაც ბაზრის 7%-ზე მეტი დაიკავა.
"საწვავზე შენარჩუნებული მაღალი ფასების ფონზე, სულ უფრო მეტი მძღოლი ირჩევს ელექტრომობილს, როგორც უფრო ჭკვიანურ და ეკონომიურ ალტერნატივას," - განაცხადა BYD UK-ის მენეჯერმა, ბონო გემ და დასძინა, რომ მისთვის საამაყოა BYD-ის გალიდერება ბრიტანეთის ბაზარზე შესვლიდან სულ რაღაც სამ წელიწადში.
ამჟამად კომპანია ბრიტანეთში ხუთ ელექტრო (Dolphin Surf, Dolphin, Atto 3, Seal, Sealion 7) და სამ პლაგინ-ჰიბრიდულ (Seal U, Seal 6, Sealion 5) მოდელს ყიდის, მალე კი მათ რიგებს Atto 2-იც შეუერთდება.
ისტორიული შედეგი ბრაზილიაში და დომინაცია ავსტრალიაში
გარდა ევროპისა, BYD-მა ლიდერობა სამხრეთ ამერიკასა და ავსტრალიაშიც მოიპოვა:
ბრაზილია: BYD გახდა პირველი ჩინური ბრენდი ისტორიაში, რომელმაც ბრაზილიის ავტობაზარზე (როგორც EV, ისე შიდა წვის ძრავიან მოდელებში) პირველობა მოიპოვა და ათწლეულების განმავლობაში დომინანტი Volkswagen და General Motors უკან ჩამოიტოვა. აპრილში კომპანიამ 14,911 ავტომობილი გაყიდა. აღსანიშნავია, რომ ხელმისაწვდომი ელექტრო ჰეჩბეკი Dolphin Mini საუკეთესო ათეულში მოხვდა, ხოლო პლაგინ-ჰიბრიდულმა სედანმა King-მა გაყიდვებით Toyota Corolla-საც კი აჯობა. ეს წარმოუდგენელი მიღწევაა, თუ გავითვალისწინებთ, რომ კომპანიამ ბრაზილიაში პირველი მსუბუქი ავტომობილი მხოლოდ 2021 წელს შეიყვანა, როცა VW იქ 1950-იანი წლებიდან ოპერირებს.
ავსტრალია: გასულ თვეში ავსტრალიის კონტინენტზე BYD-ის Sealion 7 1,780 ეგზემპლარით ყველაზე გაყიდვადი ელექტრომობილი გახდა და უკან ჩამოიტოვა Tesla Model Y და Kia EV5.
BYD-ის სტრატეგია ნათელია - კომპანია საზღვარგარეთ წარმოების გაფართოებას და ახალი ტექნოლოგიების, მათ შორის 5-წუთიანი ულტრასწრაფი დატენვის სისტემების დანერგვას განაგრძობს, რათა გლობალური მომხმარებლისთვის მაღალტექნოლოგიური ელექტრომობილები კიდევ უფრო ხელმისაწვდომი გახადოს.
BYD-ის ავტომობილები უკვე რამდენიმე წელია საქართველოშიც ხელმისაწვდომია - Solar Auto საქართველოში 2022 წლიდან წარმოადგენს BYD-ის (Build Your Dreams) სრულ სამოდელო რიგს, საგარანტიო მომსახურებით, ორიგინალი ნაწილებით და სერვისით.