ჩინურმა ელექტრომობილების მწარმოებელმა BYD-მა აგვისტოში გაყიდვების რეკორდი დაამყარა. Სტატისტიკის მიხედვით, BYD-ის ჰიბრიდული მანქანების გაყიდვები უფრო მეტად გაიზარდა, ვიდრე მხოლოდ ბატარეით მომუშავე მოდელების.

აგვისტოში BYD-ის გაყიდვებმა 370,854 ერთეული შეადგინა, რაც წინა წლის მონაცემებთან შედარებით 30%-ით მეტია. ელექტრომობილების გაყიდვები თითქმის 12%-ით გაიზარდა, ხოლო ჰიბრიდული მოდელების გაყიდვები - 48%-ით და გასულ თვეში კომპანიის მიერ გაყიდული ავტომობილების თითქმის ორ მესამედს შეადგენდა.

ამის პარალელურად, სხვა ჩინურმა სტარტაპებმა შეამცირეს მიწოდებები. Li Auto-მ აგვისტოში 48,122 მანქანა გაყიდა, რაც ივლისის თვესთან შედარებით შემცირებულია. Aito-მ, რომელიც იყენებს Huawei-ს ტექნოლოგიას, განაცხადა, რომ გასულ თვეში 31,216 მანქანა გაყიდა, რაც ივლისის თვესთან შედარებით მნიშვნელოვნად ნაკლებია. 

Nio-მ აგვისტოში 20,176 მანქანა გაყიდა, რაც მცირედით შემცირებულია ივლისთან შედარებით, მაგრამ შეინარჩუნა 20,000-ზე მეტი გაყიდვის სერია მეოთხე თვის განმავლობაში. 

Xpeng-მა აგვისტოში 14,036 ავტომობილი გაყიდა, რაც მისთვის მიმდინარე წელს საუკეთესო მაჩვენებელია. 

Zeekr-მა აგვისტოში 18,015 ავტომობილი გაყიდა, რაც ივლისის თვესთან შედარებით შემცირებული მაჩვენებელია.  

BYD-მა ასევე დააფიქსირა ძლიერი საერთაშორისო გაყიდვები. აგვისტოში მწარმოებელმა ქვეყნის ფარგლებს გარეთ 31,451 ავტომობილი გაყიდა. BYD-ი 2024 წლის ბოლომდე ჩინეთს ფარგლებს გარეთ 400,000 ავტომობილის გაყიდვას გეგმავს.

მიუხედავად ბაზრის ფართო შენელებისა, BYD-ი განაგრძობს მისი პოზიციების განმტკიცებას გლობალური EV ბაზრის წამყვან მოთამაშედ.

Solar Auto ქართულ ბაზარზე 2022 წლიდან ოპერირებს და წარმოადგენს ჩინური გიგანტი ბრენდის – BYD-ის (Build Your Dreams) პირველ ავტორიზებულ იმპორტიორს საქართველოში.

კომპანია ქართველ მომხმარებლებს სთავაზობს BYD-ის ახალი ავტომობილების სრულ ასორტიმენტს, ორიგინალ ნაწილებს და საგარანტიო სერვისს.

სრული სამოდელო რიგის გასაცნობად ეწვიეთ ვებგვერდს: www.solarauto.ge