Range Rover-ის პირველი ელექტრომობილი წელს გამოდის – რა ვიცით ამ ეტაპზე

Range Rover-ის პირველი სრულად ელექტრო SUV წლის ბოლოსთვის გამოვა და ის უკვე რამდენიმე კრიტიკოსმა გამოსცადა. მიუხედავად იმისა, რომ ვიზუალურად კლასიკურად ელეგანტურია, ახალ ელექტრო Range Rover-ში არის რამდენიმე სიურპრიზი, რომელთა ცოდნაც წინასწარ ნამდვილად ღირს.

ახალი Range Rover Electric JLR-ის სრულიად ახალ ელექტროძრავაზე მუშაობს და გააჩნია ორმაგი ძრავის სისტემა, რომელიც 542 ცხენის ძალასა და 627 lb-ft ბრუნვის მომენტს აწარმოებს. მოდელს 118 კილოვატსაათიანი ბატარეა აქვს, რაც რეალურ დროში დაახლოებით 482 კმ-ის დიაპაზონს ნიშნავს – თუმცა ეს მონაცემი ავტომაგისტრალზე მცირედით დაბალი შეიძლება იყოს.

Autocar-ის ჟურნალისტი წერს, რომ ეს არის „ყველაზე თავდაჯერებული და მშვიდი Range Rover-ია“, რაც კი ოდესმე გამოუშვიათ. მისივე თქმით, ელექტრიფიკაცია ბევრს გაძლევს და თითქმის არაფერს გართმევს.

მიუხედავად იმისა, რომ ელექტრომოდელი ცოტათი ნაკლებად ძლიერია სატვირთო სიმძლავრით (2.5 ტონა), ის მაინც კონკურენტუნარიანია Mercedes G-Class-ის მსგავს მოდელებთან. რაც მთავარია, მისი 800 ვოლტიანი არქიტექტურა ერთ-ერთ ყველაზე სწრაფ დამუხტვას უზრუნველყოფს ბაზარზე.

ინტერიერი თითქმის უცვლელია – დახვეწილი ეკრანებით, ხარისხიანი მასალებითა და ინტუიციური ღილაკებით. ჟურნალისტები მხოლოდ იმას აღნიშნავენ, რომ გათბობისა და ვენტილაციის ღილაკები შეიძლებოდა ოდნავ დიდი ყოფილიყო.

ThermAssist – JLR-ის ახალი თერმორეგულაციის სისტემა – 40%-ით უფრო ეფექტიანია, ვიდრე I-Pace-ში. მოდელი წარმოდგენილი იქნება როგორც სტანდარტულ, ასევე გრძელი ბაზის მქონე ვერსიად, რომელიც უკანა მგზავრებისთვის Bentley-ის ან Rolls-Royce-ის დონის სივრცეს შესთავაზებს.

JLR-ის ინჟინრები აღიარებენ, რომ SUV-ის ფორმის გამო, ჰაერგამტარობა არ არის იდეალური – რაც დიაპაზონის შემცირებას იწვევს. ამიტომ 482 კმ შესაძლოა ოპტიმისტური გათვლაც იყოს.

Range Rover Electric-ის ოფიციალური ფასი ჯერ უცნობია, თუმცა ვარაუდობენ, რომ ის იქნება V8 Autobiography-ს ფასის დონეზე. უკვე 61,000-ზე მეტმა ადამიანმა გაიარა წინასწარი რეგისტრაცია.