iPhone-ის მწარმოებელი ელექტრომობილების შექმნას იწყებს
May 8, 2025
iPhone-ის მწარმოებელი კომპანია Foxconn აპირებს, Mitsubishi Motors-ის ელექტრომობილები დაამზადოს. ახალი მოდელი ტაივანში შეიქმნება და გაიყიდება ავსტრალიასა და ახალ ზელანდიაში 2026 წლის მეორე ნახევრიდან.
ეს იქნება Foxconn-ის პირველი დიდი კონტრაქტი ელექტრომობილების სწრაფად მზარდ ბაზარზე.
ახალი მანქანები წარმოებული იქნება Foxtron-ის მიერ — ეს არის Foxconn-ის და ტაივანურ Yulon Motor-ს შორის ერთობლივი პროექტი, რომელიც სპეციალიზდება ელექტრომობილების შექმნაში.
ჯერჯერობით შეთანხმება მხოლოდ წინასწარი განზრახვის დოკუმენტია, თუმცა კომპანიები აცხადებენ, რომ მოლაპარაკებებს გააგრძელებენ და საბოლოო ხელშეკრულებაც გაფორმდება.
Foxconn — რომელიც Apple-ისთვის iPhone-ებს აწარმოებს — მსოფლიოში ყველაზე დიდი კონტრაქტული ელექტრონიკის მწარმოებელია და ბოლო წლებში ავტოინდუსტრიაშიც ცდილობს ფეხის მოკიდებას. ის მანამდე Nissan-თან შესაძლო თანამშრომლობაზეც საუბრობდა.
Mitsubishi კი თავად Renault-Nissan-ის ალიანსის წევრია.
მთელი ეს პროცესი ფონად ედება ჩინეთის ავტოინდუსტრიის სწრაფ გაფართოებას, რომელმაც უკვე მოიპოვა წამყვანი პოზიციები ელექტრომობილების გლობალურ ბაზარზე. ისეთი კომპანიები, როგორიცაა BYD, სულ უფრო მეტ მომხმარებელს იძენს და ტრადიციულ ბრენდებს სერიოზულ კონკურენციას უწევს.