ჩინური EV „შეტევა“ გრძელდება - Tesla-ს კონკურენტი Xpeng კორეულ ბაზარზე შედის
Sep 29, 2025
ჩინური ელექტრომობილების მწარმოებლები აჩქარებენ კორეულ ბაზარზე შესვლას. Xpeng-მა, რომელსაც ხშირად ჩინეთის Tesla-ს ეძახიან, უკვე დააფუძნა ადგილობრივი შვილობილი კომპანია სეულში.
კომპანია 2024 წლის ივნისში დაარსდა კორეაში და ახლა ემზადება სრული მასშტაბით გამოსასვლელად.
უახლოეს პერიოდში კომპანია დანიშნავს ადგილობრივი ოპერაციების ხელმძღვანელს;
პარალელურად იმუშავებს დილერულ ქსელის ჩამოყალიბებაზე.
Xpeng, რომელიც 2014 წელს დაარსდა გუანჯოუში, ცნობილია:
AI-ზე დაფუძნებული ავტონომიური მართვის სისტემით (Xpilot);
პროგრამულ უზრუნველყოფაზე ორიენტირებული ოპერაციული სისტემებით;
OTA (Over-the-Air) განახლებებით, ხმოვან ასისტენტითა და ციფრული გამოცდილებით.
Tesla-ს მსგავსად, Xpeng არ იყენებს LiDAR-სენსორებს და მთლიანად კამერებზე დაფუძნებულ ხედვით AI-ს ეყრდნობა.
ბოლო წლებში კომპანია EV-ების ფარგლებს გასცდა და ინვესტიციები ჩადო ავტონომიურ მოძრაობაში, საჰაერო მობილობაში და ჰუმანოიდ რობოტებშიც.
პირველი მოდელი - P7
კორეის ბაზარზე Xpeng-ის პირველი ავტომობილი იქნება P7, საშუალო ზომის ელექტრო სედანი და ბრენდის ფლაგმანი.
სავალი დიაპაზონი: 700 კმ-მდე (ჩინური სტანდარტით)
სიმძლავრე: 593 ცხ.ძ.
კონკურენტი: Tesla Model 3
ექსპერტების ვარაუდით, Xpeng კორეაში Tesla-ზე 20–30%-ით დაბალ ფასებს შემოგთავაზებს, რაც სახელმწიფო სუბსიდიებით კიდევ უფრო კონკურენტულს გახდის.