ელექტრომობილების მწარმოებელმა ჩინურმა კომპანია XPENG-მა წარმოადგინა თავისი პირველი ჰუმანოიდი რობოტი სახელად Iron-ი. რობოტს გააჩნია 60-ზე მეტი სახსარი და XPENG-ის AI ტექნოლოგიაზე დაფუძნებულ EV-ებთან არის დაკავშირებული.

Iron უკვე აქტიურად გამოიყენება XPENG-ის საწარმოო ხაზებზე და ეხმარება ახალ P7+ EV-ის აწყობაში. რობოტი 5 ფუტი 8 ინჩი სიმაღლისაა და 70 კგ-ს იწონის. ის აღჭურვილია XPENG-ის სპეციალურად შემუშავებული Turing AI ჩიპით, რომელიც რთულ AI ამოცანებს ადამიანურ გონებასთან მიმსგავსებული მოქნილობით უმკლავდება. ჩიპი მოიცავს 40-ბირთვიან CPU-ს, რომელიც AI მოდელებს 30 მილიარდი პარამეტრით ამუშავებს.

XPENG-ი გეგმავს Iron-ის გამოყენებას საწარმოო ხაზების მიღმაც. ეს ამბიციური მიდგომა XPENG-ს სხვა ტექნოლოგიურ გიგანტებთან, მაგალითად, Tesla-სთან აახლოებს, რომლის Optimus რობოტიც მსგავსი ავტონომიური მართვის ტექნოლოგიას იყენებს.