რა ვიცით Tesla Model Q-ის შესახებ, რომელიც 2025 წელს გამოვა
Dec 10, 2024
Tesla კვლავ აპირებს ელექტრომობილების (EV) ბაზარზე ცვლილებებით გამოჩენას. ვრცელდება ინფორმაცია, რომ Model Q რომელიც 2025 წელს გამოვა, $30,000-ზე ნაკლები ეღირება.
წლების განმავლობაში Tesla-ს გულშემატკივრები ელოდებოდნენ უფრო ხელმისაწვდომ მოდელს. ახლა კი, გავრცელებული ინფორმაციით Model Q Tesla-ს მოწინავე ტექნოლოგიას უფრო ფართო აუდიტორიისთვის გახდის ხელმისაწვდომს.
ეს კომპაქტური ელექტრომობილი Model 3-ზე 15%-ით პატარა და 30%-ით მსუბუქი იქნება, ხოლო მისი სიგრძე დაახლოებით 3,988 მმ იქნება. მისი მცირე ზომები ქალაქში მოძრაობისთვის იდეალურია.
ასევე, გავრცელებული ინფორმაციით, Model Q-ის ბატარეის კონფიგურაციები მოიცავს 53 კილოვატსაათიან და 75 კილოვატსაათიან LFP ვარიანტებს, რომლებიც განსხვავებულ მანძილსა და წარმადობას უზრუნველყოფენ. ავტომობილი ასევე იქნება ხელმისაწვდომი ერთ და ორძრავიანი ვერსიებით, რაც მომხმარებლებს სხვადასხვა საჭიროებასა და ფასებზე არჩევანის საშუალებას მისცემს.
დეტალები ჯერ კიდევ დაუზუსტებელია. ცნობები, სავარაუდოდ, Tesla-ს ინვესტორებთან შეხვედრიდან მოდის, მაგრამ არც Tesla-ს და არც ილონ მასკს ეს ინფორმაცია ოფიციალურად არ დაუდასტურებიათ.