როგორი იქნება 2026 წლის Genesis Electrified GV70
Nov 21, 2024
Genesis-მა წარადგინა განახლებული, 2026 წლის Electrified GV70, რომელიც სერიოზულ გაუმჯობესებებს გვთავაზობს. გაზრდილი სავალი დიაპაზონი, უახლესი ტექნოლოგიები და Tesla-ს Supercharger ქსელთან თავსებადობა ელექტრომობილს განსაკუთრებულს ხდის.
2026 წლის მოდელის უმნიშვნელოვანესი ცვლილებაა ახალი ჩართვის პორტის – North American Charging Standard (NACS) – დამატება. აღნისნული ცვლილება მომხმარებლებს საშუალებას აძლევს ისარგებლონ Tesla-ს უზარმაზარი Supercharger ქსელით, რაც Genesis-ის მძღოლებისთვის სწრაფი DC დამუხტვის ვარიანტებს ორჯერ უფრო ხელმისაწვდომს ხდის 36,000-ზე მეტი სადგურით მთელ აშშ-ში.
განახლებული Electrified GV70 აღჭურვილია უფრო დიდი ბატარეით, რომლის ტევადობა 77.4 კილოვატ-საათიდან 84 კილოვატ-საათამდე გაიზარდა, რაც სვლის დიაპაზონს 236 მილიდან 250-მდე ზრდის. დამუხტვის პორტი ასევე მოტორიზებული და გათბობის ფუნქციითაა აღჭურვილი, ხოლო მისი განათება გაუმჯობესებულია. ექსტერიერის თვალსაჩინო ცვლილებებს შორისაა განახლებული G-Matrix Crest ცხაური და მრავალ ლინზიანი ფარანი, რაც ავტომობილს მოდერნიზებულ იერს ანიჭებს.
ავტომობილის ინტერიერის განახლება მნიშვნელოვან ცვლილებებს მოიცავს. ახალ 27-ინჩიან OLED ეკრანზე გაერთიანებულია როგორც სასმენი პანელი, ისე ინფორმაციული და გასართობი სისტემები. "თეთრი სივრცის სილამაზის" დიზაინის ფილოსოფია ინტერიერს თავისუფალსა და ელეგანტურს ხდის, ხოლო განათებისა და გამარტივებული მართვის სისტემები პრემიალურ შეგრძნებას ქმნის.
2026 წლის Electrified GV70 სამხრეთ კორეასა და Hyundai-ის ალაბამას ქარხანაში აეწყობა და ჩრდილოეთ ამერიკის ბაზარზე 2025 წლის დასაწყისში გამოჩნდება.
Electrified GV70 Genesis-ის ყველაზე პოპულარული მოდელია ჩრდილოეთ ამერიკაში.