უპრეცედენტო უსაფრთხოება 120 კმ/სთ სიჩქარეზე: ახალი პლატფორმა EV-ებისთვის
Dec 31, 2024
ელექტრომობილების ბატარეების უმსხვილესმა მწარმოებელმა CATL-მა, სრულიად ახალი საავტომობილო პლატფორმა წარადგინა. ამ ინოვაციას განსაკუთრებული უსაფრთხოების სტანდარტები ახლავს, რაც 120 კმ/სთ სიჩქარით წინა მხრიდან შეჯახებისას უპრეცედენტო დაცვას უზრუნველყოფს.
პლატფორმა, სახელად Bedrock ("კლდის ბაზა"), ახალ სტანდარტს ამკვიდრებს უსაფრთხოების მხრივ და მნიშვნელოვნად აჭარბებს არსებულ რეგულაციებს. მას შეუძლია გაუძლოს ფრონტალურ დარტყმას 120 კმ/სთ სიჩქარით ხანძრის საფრთხის გარეშე, რაც გაცილებით მაღალია, ვიდრე C-NCAP-ის ტესტებში (სადაც შეჯახება 56 კმ/სთ სიჩქარეზე ტარდება). სპეციალური დიზაინის წყალობით, Bedrock პლატფორმა ზემოქმედების ენერგიის 85%-ს შეიწოვს, ხოლო მისი შასი, რომელიც ცხელი ფორმირებული ფოლადისგანაა დამზადებული, წყალქვეშა ნავის ბაკანს ჰგავს.
დამატებით, პლატფორმაში ინტეგრირებული მაღალი ძაბვის სისტემა ავტომატურად ითიშება ავარიის დროს, რაც უჯრედების აფეთქების რისკს მთლიანად გამორიცხავს, მათ შორის 90 გრადუსით დახრისას.
მულტიფუნქციური დიზაინი და პარტნიორები
Bedrock პლატფორმა მასშტაბირებადია და მისი გამოყენება შესაძლებელია სხვადასხვა ტიპისა და კლასის ავტომობილში. პირველი ბრენდი, რომელსაც პლატფორმის გამოცდის შესაძლებლობა ექნება, იქნება Avatr – კომპანია, რომელიც Changan Automobile-ის, Huawei-სა და CATL-ის პარტნიორობით შეიქმნა.