5 აპრილს, თბილისში, EXPO Georgia-ს მე-11 პავილიონში საქართველოში პირველი ელექტრომობილების გამოფენა გაიმართება, რომელიც ორგანიზებულია EvNews.ge-ს მიერ. ღონისძიებაზე წარმოდგენილი იქნება თანამედროვე ელექტრომობილები, რაც ვიზიტორებს საშუალებას მისცემს, გაეცნონ ინდუსტრიის უახლეს ტენდენციებს.

ჩვენთვის განსაკუთრებით მნიშვნელოვანი იყო არა მხოლოდ ელექტრომობილების, არამედ დამტენების ინდუსტრიის სიახლეების წარდგენა, რადგან ეს მიმართულება ვთვლით, რომ საქართველოსთვის სტრატეგიული მნიშვნელობის მატარებელია. ელექტრომობილების სექტორი სწრაფად ვითარდება, და გამოფენაზე სტუმრებს ექნებათ შესაძლებლობა, ადგილზე გაეცნონ ტექნოლოგიურ ინოვაციებს.

ამ საკითხზე სასაუბროდ მივმართეთ E-Motors-ის გენერალურ დირექტორს, ირინა დარჩიას, რომელმაც გაგვაცნო თავისი კომპანიის საქმიანობა და გაგვიზიარა აზრი გამოფენის მნიშვნელობაზე:

• ელექტრომობილების გამოფენა ძალიან მნიშვნელოვანი ინიციატივაა. ეს იძლევა შესაძლებლობას, რომ სხვადასხვა კომპანიამ საკუთარი პროდუქცია ფართო აუდიტორიას წარუდგინოს. გარდა ამისა, გამოფენაზე წარმოდგენილი იქნება დამტენის ინფრასტრუქტურის კომპანიებიც, რაც ელექტრომობილების ეკოსისტემისთვის უმნიშვნელოვანესია. ცნობადობის გაზრდისა და ინდუსტრიის განვითარებისთვის ასეთი ღონისძიებები აუცილებელია. საქართველოს მომავალი და ზოგადად, მსოფლიო მომავალი არის ელექტრომობილების. სხვაგვარად უბრალოდ ვერ გადავრჩებით. ამიტომ, ჩვენ სიხარულით ჩავერთეთ ამ გამოფენაში. 

E-Motors საქართველოში ერთადერთი ოფიციალური მულტიბრენდული შოურუმი

• ყველა ბრენდთან გვაქვს ოფიციალური ხელშეკრულება, რაც გვაძლევს საშუალებას, პირდაპირ მწარმოებლებისგან შემოვიტანოთ ავტომობილები. წელიწადში რამდენჯერმე მივდივართ პარტნიორ კომპანიებში, ვეცნობით ყველა სიახლეს და ვაუმჯობესებთ მომსახურებას. ჩვენი სერვისის თანამშრომლები გადიან ტრენინგებს ჩინეთში, ყაზახეთში და სხვა ქვეყნებში, რათა მომხმარებლებს საუკეთესო გამოცდილება შევთავაზოთ.

E-Motors წარმოადგენს ჩინეთის წამყვანი ბრენდების ავტომობილებს

• კომპანიაში წარმოდგენილი გვაქვს წამყვანი ჩინური ბრენდები. ერთ-ერთი ბრენდის დიზაინზე Rolls-Royce-ის ყოფილი დიზაინერი მუშაობს, და სწორედ ამ მოდელებს იყენებენ ჩინეთის მთავრობის ავტოპარკში. გარდა ამისა, გვაქვს პარტნიორობა ისეთ ჩინურ კომპანიასთან, რომელიც ელექტრომობილებს ევროპის ბაზრისთვის ამზადებს – და საქართველოში მათი ექსკლუზიური დისტრიბუტორები ვართ.

ასევე, ვთანამშრომლობთ Chery Group-თან, რომელიც ერთ-ერთ უმსხვილეს ბრენდს წარმოადგენს ჩინეთში. ჩვენი მთავარი უპირატესობა ოფიციალური მხარდაჭერაა მწარმოებლებისგან, რაც ნიშნავს, რომ მომხმარებლებს სრულ სერვისსა და გარანტიას ვთავაზობთ.

R