ბენზინისა და დიზელზე მომუშავე ავტომობილების ეპოქა თანდათან იწურება. თუკი აქამდე ეს მხოლოდ პროგნოზად ჟღერდა, დღეს უკვე ციფრები ცხადად აჩვენებს: ელექტრომობილები იღებენ სერიოზულ წილს გლობალურ ბაზარზე, მაშინ როცა შიდა წვის ძრავიანი მანქანების გაყიდვები წლიდან წლამდე მცირდება.

ტენდენცია უფრო ცხადად ჩანს არა იმაში, როგორ იმატებს EV-ების გაყიდვები, არამედ იმაში, როგორ ეცემა ტრადიციული მანქანების წილი.

ორი პარალელური ტალღა: ერთი ეშვება, მეორე ადის

ელექტრომობილების მიღება (adoption) ორ ფაზას მოიცავს:

1. შიდა წვის ძრავიანი მანქანების გაყიდვების კლება

2. ელექტრომობილების (EV) გაყიდვების ზრდა

აშშ-ში ეს პროცესი უკვე წლებია მიმდინარეობს. ბენზინის მანქანების გაყიდვების ვარდნა 2018 წელს დაიწყო და 2024 წლამდეც გაგრძელდა. ამავდროულად, EV-ების გაყიდვები მუდმივად იზრდება.

ყველა მსხვილი ავტო ბრენდი ცდილობს, მოახდინოს ამ გარდამავალი პროცესის მართვა — ეს მათთვის უბრალოდ ბიზნესი კი არა, გადარჩენის სტრატეგიაა.

ელექტრომობილების შეთავაზება რეკორდულად იზრდება

დღესდღეობით აშშ-ში ახალი ავტომობილების ბაზარზე უკვე ხელმისაწვდომია 71 სხვადასხვა EV მოდელი.

2026 წლის ბოლომდე, კიდევ 12 ახალი მოდელის გამოშვებაა დაგეგმილი, რაც ნიშნავს, რომ ყოველ 6 კვირაში ერთხელ გამოჩნდება ახალი ელექტრომობილი.

და აი რეალური ციფრები, რომლებიც ყველაფერს ამბობს:

აშშ – შიდა წვის ძრავიანი ავტომობილების გაყიდვები:

• 2018 წელი: 17.4 მილიონი

• 2024 წელი: 14.45 მილიონი

ევროპა – შიდა წვის ძრავიანი ავტომობილების გაყიდვები:

• 2018 წელი: 15.6 მილიონი

• 2024 წელი: 11.5 მილიონი

ეს არის მკაფიო ვარდნა, რომელიც უკვე შვიდ წელზე მეტია გრძელდება — და ეს ტენდენცია არ შეჩერდება.