Tesla-ს ახალი გეგმა: ილონ მასკი იაფიან ელექტრომობილებსა და “რობოტაქსებს” აანონსებს – რა გველის 2025-ში?
Feb 3, 2025
Tesla-ს აქციებმა 2%-ზე მეტით მოიმატა მას შემდეგ, რაც ილონ მასკმა განაცხადა, რომ 2025 წლის პირველ ნახევარში უფრო ხელმისაწვდომი ელექტრომობილების წარმოებას დაიწყებს და ივნისში ავტონომიური ტაქსის საცდელ სერვისს გაუშვებს.
მიუხედავად იმისა, რომ Tesla-მ მეოთხე კვარტალი დაბალი მოგებით და შემცირებული შემოსავლებით დაასრულა, ინვესტორებს მასკის განცხადებებმა ოპტიმიზმი გაუმყარა.
Tesla-ს აქციების ზრდა ნაწილობრივ უკავშირდება მოლოდინს, რომ დონალდ ტრამპის გამარჯვება რეგულაციების გამარტივებას შეუწყობს ხელს, რაც განსაკუთრებით მნიშვნელოვანია კომპანიის ავტონომიური ტაქსის პროექტისთვის.
მასკმა ტრამპის საარჩევნო კამპანიას 250 მილიონი დოლარი შესწირა, რაც Tesla-სა და პოლიტიკურ პროცესებს შორის კავშირზე მიუთითებს.
თუ Tesla-ს აქციების ზრდა გაგრძელდება, კომპანიის საბაზრო ღირებულება 28 მილიარდი დოლარით მოიმატებს. 2024 წელს მისი აქციები 62.5%-ით გაძვირდა, რაც მნიშვნელოვნად აღემატება Ford-ისა (6.07x) და GM-ის (4.48x) შეფასებებს.
საინვესტიციო ბანკებმა Tesla-ს აქციების სამიზნე ფასი 278 დოლარიდან 300 დოლარამდე გაზარდეს.
„ინვესტორები დიდ იმედებს ამყარებენ ავტონომიური მართვის სისტემასა და ხელმისაწვდომ ელექტრომობილებზე, რომლებიც Tesla-ს განვითარებას მნიშვნელოვნად შეუწყობს ხელს,“ – აღნიშნა მეტ ბრიტზმანმა, Hargreaves Lansdown-ის წამყვანმა ანალიტიკოსმა.