სუპერ ჭკვიანი ბატარეები: როგორ შეცვლის ახალი ტექნოლოგია ელექტრომობილების მომავალს?

როცა თქვენი ელექტრომობილის ბატარეა სავსე არაა, შეიძლება გაგიჩნდეთ კითხვა - რა ვიცი, საკმარისად მაქვს თუ არა ენერგია, რომ სახლამდე მივიდე? სპეციალისტებმა შექმნეს ახალი სისტემა, რომელიც სწორედ ამ კითხვას უპასუხებს.

კალიფორნიის უნივერსიტეტის მეცნიერები მუშაობენ სპეციალურ ტექნოლოგიაზე, რომელსაც "მოცულობის მდგომარეობა" (SOM) ჰქვია. ეს სისტემა ავტომატურად ანგარიშობს, შეძლებს თუ არა თქვენი მანქანის ბატარეა დანიშნულების ადგილზე მისვლას.

„SOM გაძლევთ ზუსტ ინფორმაციას იმის შესახებ, თუ როგორ მოქმედებს თქვენი ბატარეა და რა გარემოებები, როგორიცაა გზა ან ტემპერატურა, ახდენს გავლენას მის მუშაობაზე“, - ამბობს ამ სისტემის ერთ-ერთი შემქმნელი.

სისტემის მთავარი უპირატესობა ის არის, რომ ის არა მხოლოდ ბატარეის მონაცემებს აანალიზებს, არამედ ითვალისწინებს გზის პირობებს, ტემპერატურას და სხვა ფაქტორებს. ეს ნიშნავს, რომ SOM არა მხოლოდ იმის პროგნოზირებას ახდენს, თუ რამდენი ენერგია აქვს ბატარეას, არამედ ამბობს, შეძლებთ თუ არა მიზნის მიღწევას რეალურ პირობებში.

„თუ ხვდებით, რომ გზაზე ბევრი გადახრა ან აღმართი გელით, SOM შეგატყობინებთ, რომ შესაძლოა შუა გზაზე დაგჭირდეთ დამუხტვა,“.

სისტემას NASA-სა და ოქსფორდის უნივერსიტეტში არსებული მონაცემებით ტესტირება ჩაუტარდა. შედეგებმა აჩვენა, რომ SOM-ი ზუსტ პროგნოზებს აკეთებს, რაც იმას ნიშნავს, რომ მძღოლებს აღარ მოუწევთ გაურკვევლობაში ყოფნა.

მომავალში მეცნიერები იმედოვნებენ, რომ SOM-ი გამოყენებული იქნება არა მხოლოდ ელექტრომობილებში, არამედ დრონებშიც და სხვა ენერგო-ტექნოლოგიებში.

„ეს ტექნოლოგია ამარტივებს ჩვენს ცხოვრებას, რადგან მანქანის ან სხვა მოწყობილობების ენერგიის შესახებ ზუსტ ინფორმაციას გვაწვდის,“ - ასკვნიან მეცნიერები.