მყარი ელექტროლიტის ბატარეები ინდუსტრიულ ეტაპზე გადადის - ჩინეთი კვლავ ლიდერობს

ჩინური საავტომობილო ჯგუფი GAC გადამწყვეტ ნაბიჯს დგამს მომავალი თაობის ბატარეების მიმართულებით - კომპანიამ შექმნა ქვეყნის პირველი საპილოტე ხაზი, რომელიც 60 Ah-ზე მეტი მოცულობის მყარი ელექტროლიტის (solid-state) EV ბატარეის უჯრედებს აწარმოებს. ეს არის ტექნოლოგია, რომელსაც მრავალი წელია ტოიოტა, კორეული კომპანიები და ამერიკული სტარტაპები ცდილობენ ინდუსტრიულ მასშტაბამდე მიიყვანონ.

რა ეტაპზეა პროექტი?

ხაზი ჯერ მასობრივ წარმოებაში არ არის - GAC მცირე პარტიებს გამოუშვებს ტესტირებისთვის. თუმცა მთავარი ისაა, რომ ინდუსტრიული ხაზის ტექნოლოგია უკვე არსებობს, რაც ჩინეთს აყენებს იმ ქვეყნებს შორის, ვინც მყარი ელექტროლიტის ბატარეების რეალურ წარმოებას მიუახლოვდა.

რისთვის არის მნიშვნელოვანი 60 Ah?

ბატარეის ტევადობა ხშირად 40–50 Ah შორის მერყეობს.
60 Ah-იანი უჯრედები ნიშნავს:

• უფრო მაღალ ენერგეტიკულ სიმკვრივეს

• უჯრედების რაოდენობის შემცირებას ბატარეის პაკეტში

• წონისა და ღირებულების შემცირების პოტენციალს

• მეტ სიმძლავრეს ერთი და იმავე ზომის ბატარეაში

რატომაა Solid-State ტექნოლოგია ასეთი მნიშვნელოვანი?

მყარი ელექტროლიტის ბატარეების მთავარი უპირატესობები:

• ორმაგი ენერგეტიკული სიმკვრივე - GAC აცხადებს, რომ 500 კმ სავალი დისტანციის მქონე EV, იგივე ზომის ბატარეით 1000 კმ-მდე ავა.

• მეტ უსაფრთხოება - მაღალი თერმული სტაბილურობა (300–400°C).

• სწრაფი დამუხტვა

• დაბალი ხანძრის რისკი

• გამძლეობა უფრო მაღალ ტემპერატურებზე

GAC ასევე ამბობს, რომ მათმა ხაზმა შეძლო 7.7 mAh/cm² “areal capacity”-ის მიღწევა — ეს არის ერთ-ერთი ყველაზე რთული საინჟინრო გამოწვევა solid-state წარმოებაში და ნიშანია, რომ ტექნოლოგია შეიძლება მასშტაბირებადი გახდეს.

GAC გეგმავს:

• 2026 წელს - მცირე პარტიების ტესტირებას რეალურ ავტომობილებში

• 2027–2030 წლებში - მასობრივი წარმოებისკენ გადასვლას

თუმცა ყველაფერი დამოკიდებულია:

• ბაზრის მოთხოვნაზე

• მასალების (solid electrolyte) მიწოდების ჯაჭვზე

• წარმოების თვითღირებულების შემცირებაზე

რატომ არის ეს გლობალურად მნიშვნელოვანი?

ახალი ხაზი მიუთითებს, რომ ჩინეთი ლაბორატორიიდან რეალურ ინდუსტრიულ ეტაპზე გადადის, ხოლო GAC ხდება ერთ-ერთი იმ იშვიათი კომპანია, რომელსაც უკვე აქვს პილოტური ხაზი დიდი ფორმატის (60+ Ah) solid-state ბატარეებისთვის.