Rivian პირველად გავიდა მოგებაზე
Feb 15, 2026
ამერიკულმა ელექტრომობილების მწარმოებელმა Rivian-მა 2025 წელი ისტორიული შედეგით დაასრულა - კომპანიამ პირველად შეძლო წლიური ოპერაციების დონეზე მოგებაზე გასვლა და დაადასტურა, რომ ახალი Rivian R2 მომხმარებლებს 2026 წლის მეორე კვარტალში მიეწოდება.
Rivian-ის 2025 წლის ფინანსური მაჩვენებლები ასე გამოიყურება:
კომპანიამ მიიღო 144 მილიონი დოლარის მთლიანი ოპერაციული მოგება,
მაშინ როდესაც 2024 წელს 1.2 მილიარდი დოლარის ზარალი ჰქონდა ამ მიმართულებით.წმინდა ზარალი შემცირდა 3.64 მილიარდ დოლარამდე,
წინა წლის 4.74 მილიარდ დოლართან შედარებით.შემოსავალი 8%-ით გაიზარდა და 5.38 მილიარდ დოლარს მიაღწია.
ავტომობილების გაყიდვებიდან მიღებული შემოსავალი 15%-ით შემცირდა (3.83 მილიარდ დოლარამდე), თუმცა ეს ნაწილობრივ რეგულაციური კრედიტების შემცირებას და მიწოდებების სტრუქტურის ცვლილებას უკავშირდება.
მნიშვნელოვანი ზრდა დაფიქსირდა software და სერვისების მიმართულებით:
შემოსავალი გაიზარდა 222%-ით
მიაღწია 1.55 მილიარდ დოლარს
ზრდა დაკავშირებულია საინჟინრო და ელექტროარქიტექტურის პროექტებთან, მათ შორის Volkswagen Group-თან ერთობლივ თანამშრომლობასთან, ასევე after-sales სერვისებისა და მეორადი ბაზრის აქტივობასთან.
R2 მზადდება 2026 წლისთვის
კომპანიამ დაადასტურა, რომ R2-ის წარმოებისთვის მზადება გრაფიკის მიხედვით მიმდინარეობს.
იანვრის შუა რიცხვებში დასრულდა პირველი ვალიდაციის აწყობა
წარმოება ხორციელდება ილინოისის ქალაქ ნორმალში მდებარე ქარხანაში
საწყისი ვერსია იქნება ორმოტორიანი AWD (ოთხწამყვანი)
დამატებითი ტექნიკური დეტალები 12 მარტს გახდება ცნობილი.
Rivian-ის დამფუძნებელმა და CEO-მ, RJ Scaringe-მა აღნიშნა, რომ 2025 წელი კომპანიისთვის იყო ოპერაციული ეფექტიანობისა და მასშტაბირების წელი, ხოლო R2-ის მიმართ ინტერესი უკვე მაღალია.
წარმოება და პროგნოზი
2025 წელს Rivian-მა:
აწარმოა 42,284 ავტომობილი
მომხმარებელს მიაწოდა 42,247 ერთეული
მხოლოდ მეოთხე კვარტალში კომპანიამ მიიღო:
120 მილიონი დოლარის ბრუტო მოგება
1.28 მილიარდი დოლარის შემოსავალი
2026 წლის პროგნოზი:
62,000-67,000 ავტომობილის მიწოდება
ტექნოლოგიური განვითარება
კომპანია აგრძელებს ტექნოლოგიურ გაფართოებას:
Universal Hands-Free მძღოლის დამხმარე სისტემა (R1 მეორე თაობისთვის)
Rivian Unified Intelligence პლატფორმა
AI-ზე დაფუძნებული Rivian Assistant ხმოვანი ინტერფეისი