NIO-მ “მწვანე დიზაინის” ახალი სტანდარტი დაამყარა
Jan 23, 2025
NIO-მ მსოფლიო Green Design International Award 2024 მიიღო World Green Design Organization (WGDO)-სგან, რაც მისი მდგრადი ავტომობილების დიზაინისადმი ერთგულებას ადასტურებს. ჯილდო ბრიუსელში, WGDO-ს ყოველწლიურ კონფერენციაზე გაიცა და გამოირჩა NIO-ს ორი პრემიუმ მოდელი – ET5 Touring და ET7, რომლებიც ელექტრომობილებში ეკომეგობრული დიზაინის ახალ სტანდარტს ქმნიან.
ET5 Touring აღჭურვილია "Clean+" მასალებით, რომლებიც გამოიყენება სალონის ჭერზე, ინსტრუმენტთა პანელსა და კარის პანელებში – და ყველაფერი გადამუშავებული PET ბოთლებისგანაა დამზადებული.
გარდა ამისა, ავტომობილის ძრავის სისტემა შეიცავს 95%-ით გადამუშავებულ ალუმინს, რაც ხელს უწყობს ცირკულარული ეკონომიკის განვითარებასა და ნარჩენების შემცირებას.
ET7 არის პირველი სერიული ავტომობილი, რომელიც რატანს იყენებს, რაც ბუნებრივი და მდგრადი ალტერნატივაა პლასტმასისთვის. მასალა გამოიყენება 14 შიდა ელემენტში, რითაც NIO კიდევ უფრო ამცირებს პლასტმასის მოხმარებას და ამავდროულად ინარჩუნებს პრემიუმ კლასის დიზაინს.
NIO-ს მიდგომა მარტო ეკომეგობრულ მასალებს არ მოიცავს. ET5 Touring და ET7 აეროდინამიკურად გაუმჯობესებულია, რაც ენერგიის მოხმარებას ამცირებს და დიაპაზონს ზრდის.
World Green Design Organization (WGDO), რომელიც 2013 წელს ბრიუსელში დაფუძნდა, ერთ-ერთი წამყვანი არასამთავრობო ორგანიზაციაა, რომელიც გლობალური მდგრადი დიზაინის პრაქტიკებს ავითარებს.
