Nio-ის ბიუჯეტური ბრენდი Firefly 2025 წელს 16 ქვეყანაში შევა
Apr 25, 2025
ჩინური ელექტრომობილების მწარმოებლის Nio-ს ახალი ბიუჯეტური ბრენდი Firefly ოფიციალურად წარადგინეს Auto Shanghai 2025-ის გამოფენაზე. პრესკონფერენციის ფარგლებში, კომპანიის CEO უილიამ ლიმ გამოაცხადა, რომ Firefly-ის ელექტრომობილი 2025 წლის ბოლომდე 16 ქვეყანაში გავა, 5 კონტინენტზე.
წარსულში, Nio მხოლოდ პირდაპირი გაყიდვების მოდელს იყენებდა, როგორც ჩინეთში, ასევე ევროკავშირის ბაზრებზე.
თუმცა, Firefly-ის გლობალური გაფართოებისთვის Nio ახალ მიდგომას იყენებს: მესამე მხარის დილერები და პარტნიორები ადგილობრივ ბაზრებში.
ეს ნიშნავს, რომ უკვე არსებულ ქვეყნებში კომპანია შეინარჩუნებს პირდაპირ გაყიდვებს, ხოლო ახალ ბაზრებზე ძირითადად ადგილობრივი დილერების საშუალებით შევა.
ახალი ბაზრები და დაწყების თარიღები
Firefly-ის გაყიდვები დაიწყება ჩინეთში 29 აპრილს, ხოლო ევროპაში ბრენდი ხელმისაწვდომი იქნება ივნისიდან აგვისტომდე. მარჯვენასაჭიანი ვერსია ბრიტანეთისა და აზიის ბაზრებისთვის მოელება ოქტომბერში.
Nio უკვე ადასტურებს Firefly-ის გაფართოებას შემდეგ ქვეყნებში:
ნიდერლანდები
ნორვეგია
კოსტა რიკა
ნეპალი
სინგაპური
დანია
პორტუგალია
ბელგია
ლუქსემბურგი
ავსტრია
პოლონეთი
ურუგვაი
კოლუმბია
ახალი ზელანდია
დიზაინი და ბატარეის შეცვლის სისტემა
Firefly EV არის კომპაქტური ჰეჩბექი, რომელიც განსაკუთრებით ევროპული ბაზრისთვისაა განკუთვნილი. მანქანა მხარს უჭერს ბატარეის შეცვლას, თუმცა ამჟამად ეს ფუნქცია ვერ გამოიყენება – Firefly-ისთვის განკუთვნილი სადგურები გაუქმდა.
მომავალ წელს ჩაიშვება მეხუთე თაობის ბატარეის სადგურები, რომლებიც Nio-ს, Onvo-სა და Firefly-სთვის იქნება ოპტიმიზებული, თუმცა შეზღუდული რაოდენობით.