Lucid-ის ახალი შეტევა მასობრივ ბაზარზე: 3 ახალი ელექტრომობილი და ორადგილიანი უპილოტო ტაქსი
Mar 22, 2026
ძვირადღირებული და მდიდრული სედანების შემდეგ, Lucid Group-მა სრულიად ახალი, საშუალო ზომის (Midsize) პლატფორმა წარადგინა. კომპანიის მიზანი ბაზრის გაფართოება და მომგებიანობის გაზრდაა, რისთვისაც ერთბაშად სამ ახალ მოდელსა და კონცეპტუალურ რობოტაქსის აანონსებს.
რა ვიცით ახალ მოდელებზე?
ახალ პლატფორმაზე სამი განსხვავებული ავტომობილი აეწყობა:
ორი ახალი SUV: მოდელები, სახელწოდებით Cosmos (კოსმოსი) და Earth (დედამიწა).
საიდუმლო მოდელი: მესამე, სამომხმარებლო მოდელი, რომლის სახელიც ჯერჯერობით საიდუმლოდ რჩება.
ახალი ძრავი "Atlas": სამივე მოდელი სრულიად ახალი ელექტროძრავით აღიჭურვება. მისი წინა და უკანა კორპუსი/სამაგრები იდენტურია, რაც წარმოების პროცესს მნიშვნელოვნად აიაფებს და ამარტივებს.
რობოტაქსი "Lunar" და პარტნიორობა Uber-თან
ახალი პლატფორმის პრეზენტაციაზე Lucid-მა ორადგილიანი რობოტაქსის კონცეპტიც - Lunar წარმოადგინა. მართალია, ის ჯერ მხოლოდ კონცეპტის ფაზაშია, თუმცა მკაფიოდ უსვამს ხაზს Uber-თან მზარდ თანამშრომლობას. საგულისხმოა, რომ Uber-ის ტაქსების ქსელში უკვე ემზადებიან Lucid-ის Gravity SUV უპილოტო მოდელების დასამატებლად, სამომავლოდ კი ამ ფლოტს ახალი, კომპაქტური მოდელებიც შეუერთდება.
ექსპერტების შეფასებით, საშუალო ზომის ავტომობილების სეგმენტში შესვლა Lucid-ისთვის სასიცოცხლოდ მნიშვნელოვანი ნაბიჯია, რათა კომპანიამ შემოსავლების დივერსიფიკაცია მოახდინოს და ფინანსური სტაბილურობა მოიპოვოს.