Hyundai დროებით აჩერებს Kona Electric-ს - 2026 წლის მოდელი აშშ-ში არ გამოვა

Hyundai-მ დაადასტურა, რომ მისი ყველაზე ხელმისაწვდომი ელექტრომობილი Kona Electric 2026 წლის მოდელად აშშ-ის ბაზარზე არ იქნება წარმოდგენილი. კომპანიის ინფორმაციით, გადაწყვეტილება დროებითია და არ ნიშნავს მოდელის გაუქმებას.

Hyundai-ს განცხადებით, აშშ-ისთვის განკუთვნილი Kona Electric-ის წარმოება დროებით შეჩერდა სამხრეთ კორეის ქარხანაში. მიზეზი არის სუსტი მოთხოვნა და დილერებში არსებული საკმარისი მარაგი. კომპანიის წარმომადგენლის თქმით, 2025 წლის მოდელების რაოდენობა ამ ეტაპზე სრულიად საკმარისია მომხმარებელთა მოთხოვნის დასაკმაყოფილებლად.

გაყიდვების მონაცემებიც ამ გადაწყვეტილებას ამყარებს. შეფასებების მიხედვით, Hyundai-მ აშშ-ში გასულ წელს დაახლოებით 3,000 Kona Electric გაყიდა, რაც წინა წელთან შედარებით დაახლოებით 40%-ით ნაკლებია.

მიუხედავად პაუზისა, Hyundai ხაზგასმით აღნიშნავს, რომ Kona Electric არ იხსნება წარმოებიდან. კომპანიის გეგმებით, მისი წარმოება 2026 წლის შუა პერიოდში განახლდება, ხოლო ავტომობილი ბაზარზე 2027 წლის მოდელად დაბრუნდება.