Honda-მ ოჰაიოს EV ჰაბში წარმოებული პირველი ელექტრომობილის დეტალები გაამჟღავნა

Honda-მ და მისმა პრემიუმ ბრენდმა Acura-მ ახალი თაობის ელექტრო SUV-ის, Acura RSX-ის დეტალები გაასაჯაროვა, რაც კომპანიის ელექტრომობილების სტრატეგიაში მნიშვნელოვან ნაბიჯს წარმოადგენს.

პრემიუმ კლასის სრულად ელექტრო SUV იქნება Honda-ს ოჰაიოს ახალ EV ჰაბში წარმოებული პირველი ელექტრომობილი, რომლის წარმოება ამ წლის ბოლოსთვის დაიწყება. Honda ერთ-ერთი უმსხვილესი დამსაქმებელია ოჰაიოში, სადაც კომპანიას 15,000-ზე მეტი თანამშრომელი ჰყავს.

"Acura-ს ავტომობილების წარმოება ამერიკაში 30 წლის წინ დავიწყეთ, ამიტომ ძალიან გვიხარია, რომ Acura RSX იქნება პირველი EV, რომელიც Honda EV ჰაბში დამზადდება," – განაცხადა მაიკ ფიშერმა, Honda North American BEV Project-ის აღმასრულებელმა მთავარმა ინჟინერმა. "Honda EV ჰაბის შექმნა არა მხოლოდ ელექტრომობილების წარმოების დასაწყისს წარმოადგენს, არამედ მთლიანად ცვლის ჩვენს წარმოების პროცესს და ქმნის ახალ გლობალურ სტანდარტს EV-ბაზრისთვის."

Honda-მ ასევე დაადასტურა, რომ Acura RSX-ის რეალურ საგზაო პირობებში ტესტირება ამ კვირაში დაიწყება.

RSX-ის სახელწოდება ადრე ბენზინზე მომუშავე ორადგილიან კუპეს უკავშირდებოდა, თუმცა ახლა იგი სრულიად ახალი სახით ბრუნდება – როგორც ახალი თაობის ელექტრო SUV.