Honda-მ საბოლოოდ გამოუშვა თავისი პირველი ელექტრო მოტოციკლი – და ის უბრალოდ საოცარია!
Jun 3, 2025
წლების ლოდინი დასრულდა – იაპონური გიგანტი Honda საბოლოოდ გამოჩნდა სერიულად წარმოებული, სრულად ელექტრო მოტოციკლით და ეს მოდელი ნამდვილად არ გავს წარსულში ნანახ კონცეპტებს. Honda E-VO — ასე ჰქვია ახალ მოდელს და ქალაქში გადაადგილებისთვის იდეალურ პირობებს ჰპირდება მძღოლებს.
რა გამოარჩევს Honda E-VO-ს?
ეს არ არის მორიგი ექსპერიმენტული ელექტრო მოტოციკლი. Honda E-VO გამოდის ორ კონფიგურაციაში — ორმაგი და სამმაგი ბატარეით. სამი ბატარეის მქონე ვერსია მაქსიმუმ 170 კილომეტრს გადის ერთი დატენვით, რაც ყოველდღიური გადაადგილებისთვის სრულიად საკმარისია. სიჩქარის მხრივ, მას შეუძლია დაახლოებით 120 კმ/სთ-ს განვითარება.
დამუხტვის დრო? სისწრაფეზე ნაკლები არ აქვს
ჩვეულებრივ დამტენზე – სრულად იტენება 2.5 საათში
L2 სწრაფ დამტენზე – მხოლოდ 90 წუთი გეყოფა, რომ მზად იყო გზაზე გასასვლელად
ტექნოლოგიური კომფორტი
E-VO აღჭურვილია ორმაგი 7-ინჩიანი ეკრანით, რომელზეც ჩანს ნავიგაცია, საბურავების წნევა, მუსიკა და ბატარეის დონე. წინის კამერა შედის სტანდარტში მცირე ბატარეიან ვერსიაში, ხოლო სამბატარეიანი მოდელი ორ კამერას მოიცავს – წინა და უკანა ხედით.
მიუხედავად იმისა, რომ მოდელი ამ ეტაპზე მხოლოდ ჩინეთის ბაზრისთვისაა ხელმისაწვდომი, Honda-ს მოყვარულებს სჯერათ, რომ კომპანია მალე შესთავაზებს მსგავს მოდელებს სხვა ქვეყნებსაც. ამ ეტაპზე კი, ის რჩება ქალაქური ტრანსპორტის იდეალურ წარმომადგენლად — ხელმისაწვდომი, მძლავრი და თანამედროვე.
