Honda და Nissan-ი ელექტრომობილების მიმართულებით არსებული პრობლემების აღმოსაფხვრელად გაერთიანებას განიხილავენ. განვითარებისა და წარმოების ხარჯების გაზიარებით, ასევე საერთო კომპონენტების გამოყენებით, ალიანსი შესაძლოა ავტომობილების გლობალურ ინდუსტრიაში დიდი ცვლილებების მიზეზი გახდეს.

იაპონიის მეორე და მესამე ყველაზე დიდი ავტომწარმოებლები Honda და Nissan-ი ჰოლდინგური კომპანიის ფარგლებში გაერთიანებას განიხილავენ. ეს გაერთიანება მსოფლიოს მესამე უმსხვილეს საავტომობილო ალიანსს შექმნის, Toyota-სა და Volkswagen-ის შემდეგ. 

ორივე ავტომწარმოებელი წააწყდა გაყიდვების კლებას ჩინეთში, რომელიც მსოფლიოს ყველაზე დიდი საავტომობილო ბაზარია. ადგილობრივი კონკურენტები იპყრობენ ბაზრის წილს დაბალფასიანი EV-ებით. 

მიუხედავად გამოწვევებისა, ორივე კომპანია აცნობიერებს EV განვითარების დაჩქარების აუცილებლობას. 

ანალიტიკოსების აზრით, გაერთიანება Honda-სა და Nissan-ს საშუალებას მისცემს დააჩქარონ განვითარება და შეამცირონ ხარჯები. თუ ალიანსს შეუერთდება Mitsubishi Motors Corp., რომელიც უკვე პარტნიორობს Nissan-თან, სარგებელი კიდევ უფრო გაიზრდება.