Ford-ის ახალი ელექტრო Mustang Mach-E გაუმჯობესებული სიჩქარითა და გამძლეობით გამოირჩევა
Feb 5, 2025
Ford-მა შექმნა Mustang Mach-E-ის ახალი, NASCAR-ის შთაგონებით შექმნილი ვერსია, რომელიც აჩვენებს, თუ რამდენად მძლავრი და სწრაფი შეიძლება იყოს ელექტრომობილი.
ახალი Mach-E არ ჰგავს სტანდარტულ მოდელს. მას აქვს ორი კარის დიზაინი, მსუბუქი ნახშირბადბოჭკოვანი კორპუსი და გაუმჯობესებული აეროდინამიკა, რაც მას უფრო სწრაფსა და გამძლეს ხდის.
ელექტრომობილს აქვს სამი ელექტროძრავა და 78 kWh-იანი ბატარეა, რაც მას სუპერ მანქანად აქცევს. Ford-მა ამ მოდელში NASCAR-ის რბოლის ტექნოლოგიები ჩაშალა, მათ შორის გაძლიერებული მუხრუჭები და საჭე.
ელექტრომობილი 2025 წლის 22 ივნისს პაიკს პიკის საერთაშორისო რბოლაში (Pikes Peak Hill Climb) მიიღებს მონაწილეობას, რომელიც მსოფლიოში ერთ-ერთი ყველაზე რთული ავტორბოლაა.
მანქანის საჭესთან იქნება რომენ დუმა, ცნობილი მრბოლელი, რომელმაც 2018 წელს ამავე ტრასაზე სიჩქარის რეკორდი დაამყარა. ახლა კი Ford-ის ახალი ელექტრომობილით შეეცდება გამარჯვებას.
Ford-ი ცდილობს აჩვენოს, რომ ელექტრომობილები მხოლოდ ეკონომიური და ეკოლოგიურად სუფთა არ არის, არამედ ისინი სწრაფი, მძლავრი და ავტორბოლისთვის შესაფერისი შეიძლება იყოს.
