საქართველოში ელექტრომობილების იმპორტი 2.5-ჯერ გაიზარდა
Nov 26, 2024
2024 წლის იანვარ-ოქტომბრის მონაცემებით, საქართველოში 4,056 ელექტრომობილი შემოვიდა, რაც წინა წელთან შედარებით 2.5-ჯერ გაზრდილი მაჩვენებელია.
საქსტატის მონაცემების მიხედვით:
ელექტრომობილების იმპორტის საერთო ღირებულება 78.7 მილიონ დოლარს შეადგენს.
საშუალო ფასი თითო იმპორტირებული ელექტრომობილისთვის 19.4 ათასი დოლარია, რაც შარშანდელთან შედარებით (27.4 ათასი დოლარი) საგრძნობლად ნაკლებია.
ფასების შემცირება გლობალურ ტენდენციებს უკავშირდება, რადგან მიმდინარე წელს მეორად ელექტრომობილებზე ფასები დაკლდა.
საიდან შემოდის ელექტრომობილები?
2024 წლის იმპორტირებული ელექტრომობილების ძირითადი მომწოდებლები:
აშშ: 2,347 ერთეული ($39.8 მლნ)
იაპონია: 720 ერთეული ($4.8 მლნ)
ჩინეთი: 675 ერთეული ($17.5 მლნ)
გერმანია: 132 ერთეული ($8.6 მლნ)
არაბთა გაერთიანებული საამიროები: 37 ერთეული ($962.6 ათასი)
კორეის რესპუბლიკა: 31 ერთეული ($881.6 ათასი)
ბელგია: 30 ერთეული ($1.4 მლნ)
შვედეთი: 21 ერთეული ($992.5 ათასი)
კანადა: 12 ერთეული ($568.9 ათასი)
ასევე, მცირე რაოდენობით ელექტრომობილები ჩამოვიდა ყაზახეთიდან, უკრაინიდან, ნიდერლანდებიდან, სომხეთიდან და სხვა ქვეყნებიდან.
ელექტრომობილების იმპორტის ზრდა მოწმობს, რომ საქართველოში ეკოლოგიური და ტექნოლოგიური ტრანსპორტის პოპულარობა ყოველდღიურად იზრდება.