ჩინური ავტომწარმოებელი Chery Auto ევროპულ ბაზარზე შესვლას აპირებს. Პირველი ქვეყანა ესპანეთი იქნება. ეს არის Chery-ის პირველი ნაბიჯი ევროპაში და მისი უფრო ფართო სტრატეგიის ნაწილი, რომელიც გულისხმობს სამი ბრენდის გაშვებას რეგიონში, თითოეული სამი ახალი მოდელით მომდევნო ორი წლის განმავლობაში.

იოხენ ტუეტინგი, Chery Europe-ის აღმასრულებელი დირექტორი, ვარაუდობს, რომ ბრენდი ევროპაში წარმატებას მიაღწევს. Chery გეგმავს, რომ ევროპაში ჰიბრიდულ და ელექტო მობილებთან ერთად, ბენზინზე მომუშავე ავტომობილებიც შეიყვანოს.  

ესპანეთში ამჟამად ელექტრო ავტომობილები ავტობაზრის მხოლოდ 12%-ს შეადგენს, რაც ევროპის საშუალო მაჩვენებელ 14%-ზე დაბალია.

ესპანეთის მრეწველობის სამინისტრომ განაცხადა, რომ მოელის ბარსელონაში წარმოების დაწყების შესახებ შეთანხმების მალე დასრულებას. Აღნიშნული განცხადება ესპანურ დელეგაციასა და  Chery-ის აღმასრულებლებს შორის გამართული შეხვედრის შემდეგ გაკეთდა. 

მოლაპარაკებები ფოკუსირებულია Nissan-ის ბარსელონას ქარხნის აღდგენაზე, რომელიც 2021 წელს დაიხურა ხარჯების შემცირების გამო. აღნიშნულმა ფაქტმა დაახლოებით 1,600 სამუშაო ადგილის დაკარგვა გამოიწვია. 

Chery ასევე აწარმოებს მოლაპარაკებებს იტალიასთან ავტომობილების წარმოების დასაწყებად. იტალიაში ელექტრო ავტომობილების გაყიდვები ამჟამად ბაზრის მხოლოდ 4%-ს შეადგენს. ქვეყანა ასევე ჩართულია მოლაპარაკებებში Tesla-სთან და სხვა ჩინურ ბრენდებთან ავტომობილების წარმოების მიმართულებით.