BYD უკვე უსწრებს Tesla-ს - გაიგე, რატომ დომინირებს ის ელექტრომობილების გლობალურ რბოლაში
Jul 29, 2025
უნგრეთში დაწყებული ჩინური ისტორია
დაახლოებით 160 კილომეტრის დაშორებით ბუდაპეშტიდან, ქალაქ სეგედთან ახლოს, ყოფილი ხორბლის მინდვრების ადგილას BYD უზარმაზარ ქარხანას აშენებს. იქ, სულ მალე, ჩინური გიგანტი ელექტრომობილების მასობრივ წარმოებას დაიწყებს - ქარხანა, რომელიც წლის ბოლოს 150,000 მანქანას გამოუშვებს და 2030 წლისთვის წლიური წარმოება 300,000-მდე გაიზრდება.
ეს არ არის მხოლოდ ერთი ქარხნის ისტორია - ეს არის ელექტრომობილების ინდუსტრიაში ძალთა გადანაწილება, სადაც ჩინური კომპანია BYD ახლა უკვე რეალურად უსწრებს Tesla-ს, და თან ევროპაშიც წარმატებულად განავითარებს თავის პოზიციებს.
Tesla-ს კოშმარი რეალობად იქცა
BYD უკვე დიდი ხანია აღარ არის უცხო სახელი: ის მსოფლიოში ყველაზე მეტი ელექტრომობილით მოვაჭრე კომპანიაა და მისმა 2024 წლის გაყიდვებმა 4.25 მილიონ ავტომობილს გადააჭარბა. ეს მაჩვენებელი 2020 წლის შედეგებზე თითქმის 10-ჯერ მეტია. წლის განმავლობაში შემოსავალიც 27%-ით გაიზარდა და $108 მილიარდს მიაღწია.
მხოლოდ 2025 წლის მეორე კვარტალში, BYD-მა გაყიდა თითქმის 607,000 ელექტრომობილი, მაშინ როცა Tesla-მ მხოლოდ 384,000. მაისში BYD პირველად გაუთანაბრდა Tesla-ს ევროპის ბაზარზე გაყიდვებით.
სწრაფი ზრდა და კონკურენტული უპირატესობა
„პირველი მილიონი მანქანის გაყიდვას 13 წელი დასჭირდა. შემდეგი ორი მილიონის - 18 თვე. ახლა კი ყოველ ორ თვეში 1 მილიონს ვამატებთ”, - აღნიშნავს BYD-ის აღმასრულებელი ვიცე-პრეზიდენტი.
ეს ტემპი ეჭვქვეშ აყენებს ტრადიციული ავტომწარმოებლების პოზიციებს: VW, Toyota, Ford და GM უკვე კარგავენ ბაზარს როგორც ჩინეთში, ისე ევროპაშიც. BYD-ის კონკურენტები - Xpeng, Chery, Geely - ასევე ცდილობენ ევროპული ბაზრის ათვისებას.
ევროპაში დამკვიდრების სტრატეგია
BYD-ის სტრატეგია მკვეთრად განსხვავდება დასავლური ავტომწარმოებლებისგან. ის ფოკუსირებულია სრული ვერტიკალური ინტეგრაციით მუშაობაზე - თვითონ აწარმოებს ბატარეებს, ჩიპებს, ელექტრონულ სისტემებს და ფლობს მადნებისა და ლითონების მომპოვებელ კომპანიებსაც. UBS-ის ანალიზით, ამ მოდელმა კომპანიას მინიმუმ 25%-იანი ხარჯვითი უპირატესობა მიანიჭა კონკურენტებთან შედარებით.
ევროპაში BYD-ის ქარხანა სეგედში უკვე გეგმავს 4,000 მუშაკის დასაქმებას, რაც შესაძლოა მომავალში 10,000-მდეც გაიზარდოს. ქარხნის გახსნით კი კომპანიას საშუალება ექნება, თავი აარიდოს 17.5%-იან ევროპულ ტარიფებს ჩინურ მანქანებზე.
გლობალური წარმატება - ევროპიდან დაწყებული
BYD უკვე ყიდის Dolphin Surf-ს ევროპაში თითქმის ნახევარი ფასით Tesla Model 3-ისთან შედარებით. გარდა ამისა, 2024 წელს ბაზარზე გამოვიდა ახალი პლაგინ-ჰიბრიდი Seal.
ევროპის ბაზარზე BYD-ის მთავარი სტრატეგიაა ფასით კლიენტის მოზიდვა, და არა მოგება. „ახლა ისინი მომხმარებელს აჯადოვებენ. მოგებაზე მოგვიანებით იფიქრებენ“, - აღნიშნავს JATO Dynamics-ის ანალიტიკოსი ფელიპე მუნიოსი.
წარსული, რომელიც მომავლად იქცა
BYD-ის დამფუძნებელი ვანგ ჩუანფუ, ინჟინერი, რომელმაც კომპანია 1995 წელს ბატარეების მწარმოებლად დააფუძნა, 2003 წელს გადაერთო ავტომობილების წარმოებაზე. სწორედ ამ ნაბიჯით მიიქცია ინვესტორების, მათ შორის უორენ ბაფეტის ყურადღება, რომელმაც 2008 წელს კომპანიაში $232 მილიონი ჩადო.
ერთ დროს მახინჯად და უხეშად აღქმული მოდელები ახლა უკვე შექმნილია Audi-ს და Alfa Romeo-ს ყოფილი ინჟინრების მიერ. ილონ მასკი კი, რომელიც 2011-ში BYD-ს დასცინოდა, უკვე აღიარებს: „BYD გახდა რეალურად კონკურენტუნარიანი.“
დასკვნა: ცვლის თუ არა BYD თამაშის წესებს?
BYD-ის სტრატეგია ევროპაში - ადგილობრივი წარმოება, დაბალი ფასები, სწრაფი ინოვაცია და ბაზრის აგრესიული დაპყრობა - უკვე გარდაქმნის ინდუსტრიას.
——-
Solar Auto ქართულ ბაზარზე 2022 წლიდან ოპერირებს და წარმოადგენს ჩინური გიგანტი ბრენდის – BYD-ის (Build Your Dreams) პირველ ავტორიზებულ იმპორტიორს საქართველოში.
კომპანია ქართველ მომხმარებლებს სთავაზობს BYD-ის ახალი ავტომობილების სრულ ასორტიმენტს, ორიგინალ ნაწილებს და საგარანტიო სერვისს.
სრული სამოდელო რიგის გასაცნობად ეწვიეთ ვებგვერდს: www.solarauto.ge