ბენტლიმ გამოაცხადა, რომ 2026 წელს თავის პირველ სრულად ელექტრო ავტომობილს წარადგენს. ახალი მოდელი, რომელიც აღწერილია როგორც "პრემიუმ ქალაქური SUV," იქნება კროსოვერი, ოდნავ პატარა Bentayga-სთან შედარებით და განკუთვნილი იქნება ურბანული მომხმარებლებისთვის, რომლებიც ირჩევენ მაღალი კლასის ელექტრო ავტომობილებს. ონლაინ ბრიფინგზე, ბენტლიმ ასევე განაცხადა, რომ მისი ნახშირბადის ნეიტრალურობის მიზანმა 2030 წლიდან 2035 წლამდე გადაიწია.

ბენტლის ელექტრიფიკაციისკენ გადადგმული ნაბიჯები 2018 წელს Bentayga Hybrid-ის გამოჩენით დაიწყო, ხოლო ამჟამად ბრენდი მომხმარებლებს სთავაზობს ჰიბრიდულ მოდელებს Continental GT-ში და Flying Spur-ში. 

ახალი ელექტრო მობილის ზომები Porsche Cayenne-ს ან Audi Q7-ს შეესაბამება და, სავარაუდოდ, მომავალ Porsche Cayenne EV-სთან საერთო პლატფორმას გამოიყენებს.

მიუხედავად იმისა, რომ კონკრეტული დეტალები ჯერ კიდევ არ არის გასაჯაროებული, ბენტლიმ ხაზგასმით აღნიშნა, რომ განსაკუთრებული აქცენტი გაკეთდება სავალ მანძილზე და დატენვის სიჩქარეზე. 

ძრავის ხმაზე საუბრისას, ბენტლის დირექტორთა საბჭოს წევრმა მატიას რაბემ აღნიშნა, რომ ამ მიმართულებით მათ ინოვაციური გადაწყვეტილება აქვთ, თუმცა ჯერ არ არიან მზად, კონკრეტული დეტალები გაამხილონ. მისი თქმით, ისინი არ აპირებენ ტრადიციული ძრავის ხმის უბრალოდ კოპირებას.