Volvo-ს ელექტრიფიკაციის ისტორიული მიღწევა
Jan 13, 2025
Volvo-მ 2024 წელს ელექტრიფიკაციის სტრატეგიაში მნიშვნელოვანი ნაბიჯი გადადგა. კომპანიის გაყიდვების თითქმის ნახევარი მოდის ელექტრო ავტომობილებზე (EV), რომელშიც შედის როგორც ბატარეაზე მომუშავე ელექტრო მანქანები (BEV), ასევე პლაგ-ინ ჰიბრიდები (PHEV).
Volvo-მ 2024 წელს 763,389 მანქანის გლობალური გაყიდვა დააფიქსირა, რაც წინა წელთან შედარებით 8%-ით გაზრდილი მაჩვენებელია. ამ პერიოდში ელექტრო ავტომობილების გაყიდვები 54%-ით გაიზარდა და მიაღწია 175,194 ერთეულს, ხოლო PHEV-ების გაყიდვები 16%-ით გაიზარდა და შეადგინა 177,593 ერთეული. საერთო ჯამში, ელექტრიფიცირებული მოდელები Volvo-ს გლობალური გაყიდვების 46%-ს შეადგენდა, რაც მომხმარებელთა მზარდი ინტერესის მაჩვენებელია მწვანე ტრანსპორტის მიმართ.
ევროპა Volvo-ს ელექტრიფიკაციის წარმატების მთავარი ბაზარი გახდა. რეგიონში გაყიდვების 65% ელექტრიფიცირებულ მოდელებზე მოდიოდა, მათ შორის 36% იყო ელექტრო ავტომობილები და 29% – ჰიბრიდები. Volvo-ს გაყიდვები ევროპაში 25%-ით გაიზარდა და მიაღწია 369,685 ერთეულს, რაც კიდევ ერთხელ აჩვენებს კომპანიის ძლიერ პოზიციას ტრადიციულ ბაზარზე.
Volvo განაგრძობს ინვესტირებას ელექტრო მომავლში. კომპანია გეგმავს სრულიად ელექტრო EX60-ის გაშვებას, რომელიც პოპულარული XC60-ის ანალოგი იქნება და დამზადდება SPA3 პლატფორმაზე. აღნიშნული მოდელი არის Volvo-ს გეგმის ნაწილი, რომლის მიხედვითაც ავტომწარმოებელმა 2030 წლამდე 5 ახალი ელექტრო ავტომობილი უნდა გამოუშვას.