Toyota-მ ახალი ელექტრო კუპე SUV - bZ5 წარადგინა, რომელიც BYD-ის ბატარეითაა აღჭურვილი
Jun 11, 2025
ელექტრომობილების ბაზარზე კიდევ ერთი კონკურენტი გამოჩნდა: Toyota-მ ოფიციალურად წარადგინა თავისი მესამე სრულად ელექტრული მოდელი – bZ5, რომელიც საშუალო ზომის კუპე-SUV-ის კატეგორიაშია და აღჭურვილია BYD-ის Blade Battery-ით.
რა ვიცით bZ5-ის შესახებ?
Toyota bZ5 ოთხ ვერსიად გამოდის და ორი ბატარეის ვერსიას აერთიანებს:
65.28 კილოვატსაათი ბატარეა 550 კმ სავალ მანძილს უზრუნველყოფს, ხოლო 73.984 კილოვატსაათი ვერსია – 630 კმ-მდე.
ორივე ვერსია სრულად დატენვას 27 წუთში ასწრებს (30%-დან 80%-მდე, 90 კილოვატიანი სწრაფი დამტენით).
მოძრაობისთვის ავტომობილი იყენებს წინა მხარეს მოთავსებულ 200 კვტ ძრავს, რომლის მაჩვენებელია 330 ნიუტონმეტრი ტორკი – რაც ნიშნავს, რომ მანქანა არა მხოლოდ ეკონომიურია, არამედ სოლიდურ სიმძლავრესაც გვთავაზობს.
ინტერიერში მთავარი აქცენტი გაკეთებულია ტექნოლოგიურობასა და სიმარტივეზე – დიდი, 15.6-დუიმიანი ეკრანი, ციფრული დაფა, ხმოვანი მართვის ფუნქციები და კომფორტისთვის მრავალფეროვანი "Nap Mode"-ები, რომლებიც ავტომობილის სალონს დასასვენებელ ზონად აქცევს.
ყველა ვერსიას აქვს 9 აირბაგი, მათ შორის გვერდითი და შუა ბალიშები წინა მგზავრებისთვის.
მოწინავე Toyota Pilot სისტემა 30-ზე მეტ მძღოლის დამხმარე ფუნქციას მოიცავს, ხოლო მაღალი ვერსიები აღჭურვილია LiDAR სენსორით და მუშაობს Momenta 5.0 პლატფორმაზე, რომელიც ავტომატურ ნავიგაციას უზრუნველყოფს ქალაქის პირობებშიც კი.
კონკურენცია და ბონუსები
Toyota bZ5 უშუალოდ ეჯიბრება Tesla Model Y-სა და სხვა მსგავს მოდელებს – მაგალითად:
Leapmotor C10 და
Deepal S07, რომლებიც ამავე სეგმენტში ფასდაკლებებით იბრძვიან ბაზარზე.