iX დაბრუნდა – BMW-ს ახალი EV ერთ დატენვაზე 584 კმ-ს ფარავს
Apr 14, 2025
BMW 2025 წლისთვის თავის ელექტრომობილების ხაზს განაახლებს და გააუმჯობესებს როგორც ტექნიკურ მახასიათებლებს, ისე რეალურ სავალ დიაპაზონს. კომპანიის თქმით, რამდენიმე ტექნიკური გაუმჯობესების შედეგად, ელექტრომობილები ახლა მეტი ეფექტურობით მუშაობს და ერთ დატენვაზე უფრო შორს მიდის.
BMW i5 eDrive40 ახლა იძლევა 500 კმ-მდე სავალს, ხოლო i5 xDrive40 – დაახლოებით 448 კმ-მდე, ბორბლების ზომის მიხედვით. გაუმჯობესებული მაჩვენებლების მიღწევა შესაძლებელი გახდა ახალი SiC ინვერტერის მეშვეობით, რომელიც ასევე გამოიყენება 2026 წლის BMW iX-ში.
ამავე მოდელის xDrive60 ვერსია ახლა ოფიციალურად ფარავს 584 კმ-ს ერთ დატენვაზე (EPA-ის შეფასებით), რაც მნიშვნელოვნად აღემატება 2025 წლის მაჩვენებელს (497 კმ).
განახლებული iX შეიცავს დიზაინის ახალ დეტალებს – ვერტიკალურ წინა ფარებს და განახლებულ, განათებად გრილს. ეს არის პირველი BMW, რომელიც აღჭურვილია ახალი Curved Display OS-ით, რომელიც მომხმარებელს სთავაზობს ვიდეოს ტრანსლაციას, თამაშებს და თანამედროვე კავშირის სრულყოფილ გამოცდილებას.
ასევე დაემატა ახალი ვიზუალური ვარიანტები, როგორიცაა Frozen Portimao Blue მეტალიკი და ორი ახალი Merino ტყავის ინტერიერი – მუქი იასამნისფერი/ნაცრისფერი Atlas და Taupe/Atlas ნაცრისფერი.
ახალი დიზაინით, გაძლიერებული ტექნოლოგიით და გაუმჯობესებული სავალი მანძლით, BMW-ის EV-ები ახლა კიდევ უფრო კონკურენტუნარიანად გამოიყურება გლობალურ ბაზარზე.