EV-ების განვითარების გზა: როგორ მოიცვა ელექტრომობილებმა ყველა სექტორი
Feb 3, 2025
ელექტრომობილებმა (EV) დიდი გზა გაიარეს და დღეს ისინი არა მხოლოდ მსუბუქ ავტომობილებს მოიცავს, არამედ ყველა ტიპის სატრანსპორტო საშუალებას – სატრანზიტო ავტობუსებიდან დაწყებული, მძიმე კატეგორიის სატვირთო მანქანებითა და ტრაილერებით დამთავრებული.
დღესდღეობით გვხვდება ელექტრომობილების სამი ძირითადი კატეგორია:
ბატარეაზე მომუშავე ელექტრომობილები (BEV) – სრულად მუშაობს ელექტროენერგიით, რომელიც ბატარეაში ინახება.
დამტენ ჰიბრიდული ელექტრომობილები (PHEV) – აერთიანებს ელექტროძრავს და დიდ დამტენ ბატარეას ბენზინის ან დიზელის ძრავასთან, რაც გაზრდილ მანძილს უზრუნველყოფს.
წყალბადის საწვავზე მომუშავე ელექტრომობილები (FCEV) – ელექტროენერგიას აწარმოებს წყალბადის მოლეკულებიდან ელექტრონების გამოყოფით, რაც ძრავის მუშაობას უზრუნველყოფს.
ელექტრომობილების ტექნოლოგია უდიდეს ტრანსფორმაციას განიცდის და ცდება მხოლოდ კერძო ავტომობილებს. დღეს, მთელი მსოფლიოს მასშტაბით, EV-ები წარმატებით გამოიყენება საზოგადოებრივ ტრანსპორტში, ლოჯისტიკაში, საგანგებო დახმარების სფეროში და სხვა მრავალ მიმართულებით, რაც ქალაქებს ეკოლოგიურად სუფთას, ენერგოეფექტურსა და უფრო მშვიდს ხდის.
2021 წელს ლოს-ანჯელესმა წარადგინა პირველი სრულად ელექტრო სახანძრო მანქანა. ამას მალე მოჰყვა ელექტრო პოლიციის და სასწრაფო დახმარების მანქანები, რომლებიც უკვე სხვადასხვა ქვეყანაში ფუნქციონირებენ.
ბოლო წლებში სულ უფრო მეტ ქალაქში გამოჩნდა ელექტრო ნაგვის შემკრები მანქანები, რომლებიც ტრადიციულ დიზელის მოდელებთან შედარებით ბევრად ჩუმია და მავნე გამონაბოლქვს არ გამოყოფს. ლონდონში, პარიზსა და სან-ფრანცისკოში ასეთი ტექნიკა უკვე ყოველდღიურად გამოიყენება.
ელექტრომობილები აქტიურად იკავებენ ადგილს ლოგისტიკასა და ამანათების მიწოდების ინდუსტრიაში. Amazon, FedEx, DHL და სხვა მსხვილი კომპანიები უკვე იყენებენ ელექტრო ფურგონებს, რათა ამანათები უფრო ეკომეგობრული გზით გადაადგილდეს.
ტრადიციულად, სატვირთო მანქანები ერთ-ერთი ყველაზე დიდი დამაბინძურებელი იყო, მაგრამ ეს ვითარება სწრაფად იცვლება. Tesla Semi, Volvo Trucks და Rivian-ის ელექტრო სატვირთოები მზარდი პოპულარობით სარგებლობს. ასევე, ელექტრო ექსკავატორები და მშენებლობის ტექნიკა უკვე გამოიყენება დიდ პროექტებში, რაც სამშენებლო ინდუსტრიას უფრო ეკომეგობრულს ხდის.
გარდა სახმელეთო ტრანსპორტისა, ელექტრო თვითმფრინავები და ელექტრო გემები რეალობად იქცევა. Airbus და Rolls-Royce უკვე ტესტავენ მცირე ზომის ელექტრო თვითმფრინავებს, ხოლო ნორვეგიის ფიორდებში უკვე მუშაობენ ნულოვანი გამონაბოლქვის მქონე ელექტრო ბორანები.