Tesla-ს გაყიდვები ევროპაში მკვეთრად ეცემა
Sep 5, 2025
Tesla, რომელიც წლების განმავლობაში ელექტრომობილების ლიდერად ითვლებოდა, ევროპაში ერთ-ერთი ყველაზე რთულ პერიოდს გადის. კომპანია უკვე მერვე თვეა ზედიზედ აფიქსირებს გაყიდვების ვარდნას, მაშინ როცა მთლიანად ელექტრომობილების ბაზარი ევროპაში იზრდება.
მკვეთრი ვარდნა წამყვან ბაზრებზე
გერმანია - Tesla-ს გაყიდვები აგვისტოში 39%-ით დაეცა, ხოლო წლიური მაჩვენებელი 56%-ით ნაკლებია, ვიდრე 2024 წელს. ეს განსაკუთრებით მნიშვნელოვანი სიგნალია, რადგან გერმანია ევროპის უდიდესი EV ბაზარია.
შვედეთი - ვარდნა კიდევ უფრო მკვეთრია: გაყიდვები 84%-ით შემცირდა.
დანია - აგვისტოში გაყიდვები 42%-ით დაეცა.
საფრანგეთი - ანალოგიურად დაფიქსირდა საგრძნობი კლება, რაც მიუთითებს, რომ Tesla-ს პოპულარობა დიდ ბაზრებშიც შესუსტდა.
სად ინარჩუნებს Tesla პოზიციებს?
ნორვეგია - გაყიდვები აქ 21%-ით გაიზარდა, თუმცა კონკურენტმა BYD-მა იმავე პერიოდში 218%-იანი ზრდა აჩვენა და პრაქტიკულად ორჯერ მეტი მანქანა გაყიდა, ვიდრე Tesla-მ.
ესპანეთი და პორტუგალია - Tesla-მ აქაც გარკვეული ზრდა დააფიქსირა, თუმცა BYD-მა ბევრად სწრაფი ტემპით დაიკავა ბაზარი და მასშტაბურად აჭარბებს ამერიკულ ბრენდს.
მთლიანობაში, Tesla-ს ბაზრის წილი ევროპაში შემცირდა 0.8%-მდე, მაშინ როცა BYD-მა 1.2%-ს მიაღწია და რეგიონში უკვე ლიდერობს.