Nissan აჩერებს Ariya-ს გაყიდვებს აშშ-ში 2026 წლიდან
Sep 19, 2025
Nissan-მა გადაწყვიტა, რომ 2026 წლიდან აშშ-ის ბაზარზე აღარ გაყიდოს თავისი ელექტრო SUV, Ariya.
კომპანია აცხადებს, რომ გადაწყვეტილება დაკავშირებულია პროდუქტის ხაზის გადახედვასთან და უფრო კონკურენტუნარიანი ელექტრომობილების წარმოების გეგმასთან. მიუხედავად იმისა, რომ Ariya 2022 წელს დიდი იმედებით გამოვიდა ბაზარზე, ამერიკელ მომხმარებელთა ინტერესმა ვეღარ გაამართლა მოლოდინი, განსაკუთრებით ფასისა და კონკურენციის ზრდის ფონზე.
Nissan Ariya იყო კომპანიის ერთ-ერთი მთავარი ელექტრო SUV, რომელიც კონკურენციას უწევდა Tesla Model Y-სა და Hyundai Ioniq 5-ს. თუმცა მაღალი ფასი, წარმოების შეფერხებები და შეზღუდული რაოდენობის მიწოდება გახდა მიზეზი, რომ მოდელმა ვერ შეძლო ლიდერობის დამკვიდრება.
კომპანია უკვე მუშაობს ახალ თაობის ელექტრომობილებზე, რომლებიც უფრო ხელმისაწვდომი და ფართო მასებზე გათვლილი იქნება. Nissan-ის გეგმის მიხედვით, 2026-2027 წლებში გამოჩნდება ახალი მოდელები, რომლებიც მიზნად ისახავს აშშ-ის ბაზარზე პოზიციების გაძლიერებას.
Ariya-ს გაყიდვების შეწყვეტა არ ნიშნავს, რომ Nissan ტოვებს ამერიკულ EV ბაზარს. პირიქით, ეს ნაბიჯი განიხილება როგორც სტრატეგიული ცვლილება, რომელიც კომპანიის ძალებს გადაამისამართებს უფრო პერსპექტიულ სეგმენტებზე.